Chapter Text
三個小時很快便到，可是姜濤還是沒回到現場，盧瀚霆有些小擔心。過了社交環節便很難在人群中隱藏行蹤，拍賣環節太容易點人數了，而跳舞環節，姜濤作為自己的原始舞伴不在場，更加讓人懷疑
「我去宣布跳舞後拍賣先，你地係到等我。」
楊樂文走開後，邱傲然拿著一封信和錢包過來
「唔好意思啊先生們同小姐。請問你係咪Tracy小姐？」
「係啊～做咩啊？」
「姜先生公司有緊急事務要處理，佢半個鐘前已經走左，非常唔好意思應該同唔到你跳舞，但佢會盡量係拍賣環節返黎。」
說完，邱傲然把信遞給盧瀚霆
「喔，好啊，唔該你。」
「陳生，呢個銀包係咪你嘎？我岩岩係五號檯檯低搵到。」
「啊。係啊。唔該。」
陳瑞輝看完後便拿起錢包收好
「皮皮啊，你咁唔小心嘎。」
「都係我唔好，應該係我撞到Frankie先生所以先跌出黎。Frankie先生唔好意思啊，好彩有人搵到咋，唔係嘅話我真係唔知點賠比你。」
「傻啦，係撞都係我撞到你。仲有我唔小心，關你咩事呢。」
「你唔睇下入面有冇唔見野？ 始終跌過。」
「Tracy真係細心，皮皮我覺得你應該要學AK搵返個陳仔咁嘅保母，或者搵返個Tracy小姐咁嘅老婆。」
「德仔......」
【呂爵安內心小劇場再次上演：屌，冇嘎啦，你地恨都冇啊，呢位Tracy其實係我老公盧瀚霆啊！你耳仔紅做咩啊陳生！你呢個王生又係心懷不軌。PK啊，一個二個都睇中我老婆！啊唔係，我老公！】
「哈哈哈～王生你把口真係甜。」
盧瀚霆甜甜地笑，面容粉嫩，一副害羞的模樣。王智德見狀撞了一撞陳瑞輝的手，給了他一個眼神，陳瑞輝看了看對方不知所解讓王智德相當無奈
「皮皮啊， Tracy依家冇舞伴啦。」
被王智德如此提了一句，陳瑞輝終於反應過來
「咁...咁唔知Tracy小姐你願唔願意成為我舞伴呢？」
「舞伴就可能唔係咁好，始終姜生唔知情況如何......」盧瀚霆停頓了一下，看著陳瑞輝有點失望的反應「但係，如果Frankie願意，係姜生返黎前我係願意同你同行。」
見狀陳瑞輝馬上收拾好笑容，剛好楊樂文的聲音亦響起
「各位來賓，時間差唔多啦，我地依家開始跳舞拍賣環節。拍賣台設係呢到，規矩係如果你對個件拍賣品有興趣就可以出價獲得，冇興趣就可以繼續享受美食同跳舞。最後出價最高嘅三位仲可以去到我地舞池跳今晚嘅最後一隻舞。」
楊樂文話畢，大廳內響起音樂。陳瑞輝見狀彎腰伸手，盧瀚霆甜甜一笑接過他的手，兩人步行到舞池內。與此同時臺上的拍賣亦正式開始。
「皮皮呢？」
楊樂文回到高桌上，王智德指了指舞池中翩翩起舞的二人
「我覺得佢哋幾唔錯，老陳今次有希望啦。」
「雖然就幾個鐘，但的確唔錯。」
「哇，連啊Man都咁講，陳爸今次放心啦。」
聽著三兄弟的對話，柳應廷點頭看著那對「俊男美女」細細聲和身邊的呂爵安表示贊同
「呂爵安，你話呢種女人邊個唔心動？雖然話帶住面具，但其實見到輪廓好精緻。言語行為仲好大方得體，真係帶出去有頭有面。連我都有啲心動，陳生唔動心都唔得啦。」
柳應廷讚美完感慨地搖搖頭看向呂爵安，然而呂爵安一臉哀怨的看著他
「你呢個咩樣？唔係掛，你唔好心動啊，返去比盧瀚霆知道你死硬。」
「屌你，你覺得有可能咩？我對我撈撈豬一心一意。」
【呂爵安內心世界：都CLS嘅，哀怨個鬼，死人柳應廷竟然睇中我嘅人？完美？大方得體？梗係啦，我屋企寶貝窩。呢班人都CLS嘅。】
-
在舞池中央，盧瀚霆和陳瑞輝翩翩起舞
「Frankie先生，今晚真係好多謝你嘅陪伴，唔係嘅話我自己一個真係有啲尷尬。」
陳瑞輝紅著臉看著面具後的雙眼
「Tracy小姐，多謝你陪我先真。我一直唔係好適應呢種舞會，但今晚真係好開心。」
盧瀚霆輕盈的被陳瑞輝抱起來轉了個圈完美地完結。臺上剛好拍賣一條價值不菲的頸鏈，頸鏈兩旁圍繞著大小不一的鑽石而中間有一粒巧奪天工的藍鑽。
「呢一條頸鏈係黎自18世紀法國瑪麗皇后嘅珍藏之一叫鯨淚。而相傳戴上鯨淚會尋找到心愛之人永世不分離。」主持緩緩地介紹完拍賣品，臺下很多女士便已被吸引停止跳舞
盧瀚霆亦被臺上項鍊深深地吸引，忍不住便說了出口：「唔知傳聞真唔真呢？真係好靚。」
遠處的呂爵安看著盧瀚霆便知道愛人喜歡，而眼前的陳瑞輝聽著盧瀚霆的有感而發亦若有所思
臺上主持停頓一陣子便開始拍賣：「依家起價五千萬。最少兩百萬起跳。」話語剛落便有很多人開價直衝到八千萬
「一億！」楊樂文高聲開價，在場的人都看著他
「楊生，你讓下我地啦，真係啊。」「咪係咯楊生，邊夠你黎姐。」在場有幾個和楊樂文相熟的競投者看著旁邊的女伴無奈打趣道
楊樂文呵呵樂道：「唔好意思啊，適逢今年結婚五週年真係唔知買咩比老婆。加上佢仲坐緊月我都需要買啲野交代嘅。」
主持見狀馬上開始「一億一次」「一億兩次」
「一億二千萬！」
-
TBC…
-