Chapter Text
001.
盧瀚霆是某大學的電影系中，前期導演班的學生。
升上大學前，他也曾經擔心過，自己喜歡男生這件事，會不會被人嘲笑，就如同在中學時一樣。
幸運的是，事情並沒有重演，在大學裡他遇到了一班好朋友與好同學，認識他的人都知道這回事，但沒有任何人會嘲諷或者是惡言相向。
*
學校餐廳。
「Anson Lo，FYP個到呢，你係咪未埋班呀？」Anson是盧瀚霆的英文名，因為中期裡也有一個Anson，所以大家都習慣稱呼他為Anson Lo。
提問的人是姜濤，他從一入學就已經與盧瀚霆相識，二人是十分要好的朋友。
「未呀，本身搵嗰幾個friend都自己組咗隊，而家我都仲未有組呀。」說起來就頭疼，他的小組裡，另外兩個前期同學突然就談起了戀愛，還拋下了他，各自跟自己的男、女朋友同組，只剩下他一個人。
「咁不如你入我哋個組啦！我嗰邊有個同學quit咗，有個位淨呀。」聞言，姜濤馬上作出邀請。
「真㗎？好呀！咁我哋組仲有邊個呀？」臨近交組員名單的日子，盧瀚霆總算是解決了入組的問題。
「前期嘅話仲有Tiger，佢好勁㗎，聽講佢Year 2嗰時已經幫過啲歌手做MV導演㗎啦！」姜濤興奮的將他打聽得來的消息告訴盧瀚霆。
「聽講？你同佢唔識嘅咩？」
「識，但係唔熟囉，佢係我嗰組quit咗嗰個同學嘅中同嚟，我之前都只係見過佢一次咋。」姜濤邊吃著盤中的意粉，邊說。
「咁得唔得㗎？」雖說是解決了組別的問題，但只有姜濤和自己是熟人，盧瀚霆也有點擔心會不會在合作上出問題。
「我諗得掛。」姜濤撓了撓頭，說著，「咁一陣放學我哋去一去2樓平台，我帶你去見埋其他中、後期。」
『死啦⋯⋯都唔知姜濤傻吓傻吓咁，搵返嚟啲人到底掂唔掂㗎⋯⋯』盧瀚霆心裡嘀咕著。一生人只有一次的畢業作品，要是遇到了又奇怪又不負責任的人，可就麻煩了。
希望姜濤傻人有傻福，找回來的人會是能幹的吧。
*
放學後，盧瀚霆和姜濤來到了學校2樓平台，找到了圍圈坐在一起的組員。
「喂姜濤！你哋嚟咗啦？」應聲彈起的，正是另一個Anson，江𤒹生。
「係呀！齊人未㗎？」姜濤也向著他們揮手。
「差一個囉，你知Edan條友㗎啦，又唔知走咗去邊，頭先未落堂佢已經失咗蹤啦。」另一個看上去很壯健的男子說著。
「咪係囉，Stanley叫咗佢要嚟㗎啦，係唔知個死仔包到底記唔記得。」江𤒹生無奈地說。
「吓⋯⋯咁唔理佢住啦，不如大家認識吓先呀，喱個係我之前話想搵佢入組頂Alton個位嘅Anson Lo。」姜濤拍了拍盧瀚霆的肩，介紹著。
「原來你就係另一個我！」江𤒹生用他獨有的大嗓門向盧瀚霆打招呼。
「係呀，你哋都同姜濤一樣叫我Anson Lo就得㗎啦。」他的聲音大得讓盧瀚霆有點嚇到，但還是有禮的向眾人自我介紹。
「我哋組中期除咗AK之外，仲有我，Stanley，同埋有個無啦啦又失咗蹤嘅呂爵安呀。」壯健男子邱士縉貌似有點不滿。
「我係Tiger，前期嘅。」頭戴鴨舌帽的長髮男子出聲了，正是電影系上傳說般的存在，邱傲然。
「Tiger好猛料㗎！早排佢條片先贏咗比賽，拎咗成五皮嘢獎金呀！」坐在邱傲然旁邊的人向盧瀚霆介紹著他，「btw我係皮皮，後期嘅，負責⋯⋯咦我負責咩話？」
糟了⋯⋯一組裡面有兩個傻傻的⋯⋯
這一刻的盧瀚霆彷彿看見了最後只有D的成績表。
「咩呀你同我一齊剪片㗎嘛，你做調色㗎喎！」明顯地比他高的男子回答。
「係呀係呀，死啦無咗Jeremy我真係唔知點算好！」
「Anson Lo你唔好介意，皮皮係比較大頭蝦啲，不過佢做起嘢上嚟都好專業㗎，唔駛擔心。」這個名為Jeremy的男生顯然看出了盧瀚霆的不安，「我係後期嘅李駿𠎀呀，同皮皮一齊主力剪片㗎，仲有喱個係呀Jer柳應廷，佢係負責mix聲之類。」
柳應廷笑著對盧瀚霆揮了揮手。
「嗱，咁認識晒，不如一陣食埋飯，聯誼吓嘛！」江𤒹生繼續保持著他高昂的心情，提議道。
突然，盧瀚霆被人從後勾住了肩膀。
「喂～你班死嘢，食飯唔通知聲，仲係咪組員嚟㗎？」
「仆你個街啦呂爵安，你自己玩失蹤之後屌鳩人唔嗌你食飯，玩咩？」江𤒹生忍不住嗆回他。
盧瀚霆看著這個呂爵安，心裡漏跳了一拍。
「屌咩，對唔住囉，走咗去還機咋嘛，邊係玩失蹤啫，Anson Lo可！」呂爵安的自來熟讓盧瀚霆有點不習慣，但他卻絲毫沒有厭惡的感覺。
「你識我嘅咩？」
「唏吔，姜濤成日都提起你㗎啦，況且你係電影系唯一拍得住我咁靚仔嘅，點會唔識你呀？」
盧瀚霆失笑，他可沒意料到呂爵安是如此有趣的人。
看來這份畢業作品，會是十分特別的一套短片，而呂爵安，也會成為對盧瀚霆來說，十分重要的人。
TBC→