Chapter Text
呂爵安從浴室回到房間。快速地用風筒吹乾頭髮後，便坐在書桌前，開啟電腦。
熟練地double click瀏覽app，登入網站，然後輸入關鍵tag。
呂爵安雙手一握，伸展了雙臂，然後用右手帶領著滑鼠把鼠標移到標題，打開文章。
『嘩…你老闆吖…頂唔緊喎…』呂爵安雙眼專注著螢光幕，口中喃喃自語。
呂爵安從來都是一個粉絲眼中相當貼地的偶像。
作為當紅偶像，一舉手一投足、加上鋼琴王子的形像，完全瘋魔萬千粉絲的心。
由從前的網癮少年，到如今成為經常走入粉絲生活的男團偶像，IG對呂爵安是每天不可或缺的生活一部份。
粉絲tag的IG Posts，出席events活動的飯拍，還有回應團隊兄弟們的story同posts，只要一有空，呂爵安就會機不離手，暫時放下工作，重投網絡懷抱。
最近，他每天晚上總會抽空了解粉絲們瘋狂熱棒的一項： CP文。
其實當他還是學生的時候，已從同學朋友和前女友口中知道有CP文、腐女圈、同人文這回事。
身為當今潮流偶像，要緊貼潮流，其中要收風向當然要問自己聰明可愛的親妹妹。
『我有好多同學都有睇架，』妹妹小如說，『佢地會有睇BL文，仲有漫畫。』
『嘩，咁…阿妹你有冇睇呀?』
『呢層唔關你事，我有權保持黔默，不過，』小如眼眸一轉，隱晦地提醒呂爵安，『我勸你都係唔好去八卦好D。』
阿妹果然很了解這位好奇心爆柵的網癮毒毒哥哥，料事如神。
『冇…我唔係想去睇…』呂爵安結結巴巴地回應，『我係關心你啫…』
『我大個女架喇，我自己有分數，你唔好諗住chok我，我係唔會回應。』說罷頭也不回地回去房間。
聽到妹妹的回應，呂爵安的好奇心急速上升。
呂爵安上網搜尋研究了所謂「同人」、「BL」、「CP」等關鍵字眼，映入眼簾的令呂爵安彷彿好像進入了一個新世界。
『咦? 有片喎。』呂爵安發現有Youtuber訪問了所謂腐女的同人同好，於是click了入去觀看了影片。
『哦…嘩…真係長知識…乜而家D女係會咁睇呢D架…仲要咩劇情咩花式都有…』好奇寶寶邊看邊喃喃自語。
韓CP...大陸偶像CP...台劇CP...泰劇CP...
咦? 咁...? 唔通...?
MIRROR都有CP文?
再在網絡上搜尋一下，終於出現了MIRROR CP名稱、MIRROR CP關係圖、MIRROR CP派糖、MIRROR CP FAN FICTION…
『IG可以hashtags搵到? 等我試下先…』呂爵安開啟IG APP，輸入了他有Google上找到的有關CP hashtags…
等…等陣先…
『OH MY GOD…』
『嘩…屌…咩事呀…』
『…』
腐眼一開，呂爵安知道自己已走上一條沒有終點的不歸路。