Work Text:
.
講一句愛到死
講多句愛你一世
.
「恭喜！」
「新婚快樂！」
與教堂前的熱鬧不同，教堂後的休息室內，精心打扮的姜濤緊張的來回度步，嘴裏唸唸有詞，「我真係好…好愛你…你…你願唔願意…同…同我…呀！救命呀…」
「姜姜終於轉大人啦～」感嘆的江𤒹生走到姜濤身邊，手搭上他肩膀，「唔駛緊張喎～有我哋成班兄弟喺到陪住你！」
「咪係囉！你過嚟坐下先，行到我眼都花埋。」梁業上前拉著姜濤坐下。
「唔係呢…佢…」
「表弟食件餅先～無事嘅～」邱士縉帶著幾件蛋糕推門而入。
「我…佢…」姜濤接過蛋糕，一邊吃，一邊口齒不清的說。
三人對望，同時嘆氣搖頭。
「個婚禮開始啦！姜濤ok未？」呂爵安推門看著吃完蛋糕再次度步的姜濤猛然停下，僵硬地轉身。
「我…我…我準…準備好啦…」
.
能計清楚再跪 承諾很矜貴
但求能越偕老越美麗
.
「其實呢…」何啟華轉身，無奈地看著姜濤，「宜家係我結婚，又唔係你結婚，你咁緊張做咩姐…」
「咁我一陣…我緊張呀嘛…」
「其實你諗清楚未㗎？」何啟華用過來人的口吻說，「姐係咁嘅…呢壇野就等於一個承諾，一承就要諾一世，咁一世嚟講呢就長嘅…」
「長咁所以呢？」Dee嫂問🙂
「老婆～唔係呢～佢咁驚我要…」
「我諗得好清楚！我真係想同佢過一世！」
「咁仲有咩好驚。」何啟華看到姜濤堅定的眼神，拍了拍他的手臂支持他。
.
for all your love I promise
花貓怎愛烏龜 我愛的因你是你
.
「…我唔知點解你咁靚會鍾意我，但係我真係好愛你，想將最好嘅嘢俾曬你。你願唔願意嫁俾我？」
「我願意。」
「宜家新郎新娘可以交換戒指。」
作為何啟華的伴郎，姜濤做好本份，在適當時候拿出戒指，看著兩人交換戒指後，浪漫擁吻。他看向嘉賓席的盧瀚霆，手裹亦緊握住一枚戒指。
「喂！翻嚟啦！」盧瀚霆的聲音響起，姜濤才回神，發現賓客跟隨著新郎新娘陸續走到教堂門口。
「全世界都去搶花球啦～」
「咁我哋都去！」姜濤拉著盧瀚霆走到兄弟們為他們預留的位置。
「3！2！1！」
花球穩穩的落入姜濤的手中。
姜濤看向旁邊替自己高興的盧瀚霆，鼓起勇氣，後退一步，向著愛人單膝跪下。
.
圍城繁忙有誰陪誰曳
圍城無言有誰陪誰起個誓
度動盪塵世
.
「其實今日我成朝都好緊張，我好驚你會拒絕我，覺得我仲細未諗清楚，又唔知道要點講，你先至會明我嘅心意…」姜濤低頭吞了吞口水繼續說，「但係dee哥啱啱問我係咪諗清楚，個承諾係一世嘅…我個下諗到你陪我搞搞震嗰個開心嘅笑容，我做嘢做到好攰你鼓勵我嘅語音，我唔開心嘅時候會安靜陪住我，喺適當時候會安慰我，仲有我哋無聊嗰時想像過嘅dream house同旅行嘅畫面…雖然有啲應承咗嘅嘢未做到住…但係我好肯定，我好想同你咁樣生活落去。」
「你知唔知道我啱啱聽住啲誓詞，我心入面淨係得三個字 — 盧瀚霆。我好想生老病死、順境逆境，喺我身邊陪住我嘅人係你。」說到這，姜濤才抬頭看著盧瀚霆，張開一直緊握戒指的拳頭，「所以…你願唔願意同我結婚，陪我過人世？」
.
圍城繁華有誰陪誰廢
圍城無言有誰陪誰起個誓
.
「好呀！」
「吓？」
盧瀚霆失笑，彎下腰捧著愛人的臉說，「傻仔～我話我願意呀！」說畢，在未婚夫的嘴脣上輕輕落下一吻。
.
願跪下來親親你親親一世
.
——
此時，眾人…
「想當年我同豬仔求婚個時…」
「你個時第一句都未講，跪低就已經喊緊，喊得仲誇張過我…」
「FYI，表哥求婚條片我仲keep住。」
- 化學老師皮表示有啲嘢該記都係會記得嘅。
「嘩…」
「柳b又想要求婚？」
柳應廷低下頭，微長的頭髮蓋著變紅的耳朵，「…唔係囉…無啲咁嘅事…」
「係咪出聲囉～怕咩醜姐～」呂爵安摟著柳應廷的腰，揶揄道。
「呂爵安！」準備反擊的柳應廷抬頭卻對上呂爵安充滿愛意的眼睛。
「我係認真㗎…我想俾個屬於我哋嘅求婚同婚禮你。」
「好呀！咁我要…」柳應廷別開頭，漸紅的臉上笑意只增不減。
「陳仔～你睇下幾浪漫～」
「嗯…」
「咁你捨得應承我未？」
「咁你做到應承我嘅嘢未？」
「未…」委屈的江𤒹生頭靠在陳卓賢的肩上亂蹭著。
「咁咪係囉…」陳卓賢伸手摸摸江𤒹生的頭安慰，「一陣上你到？我煮飯俾你食？」
「咁喺唔喺我到瞓？」
「睇你表現。」
「收到曬！我一定會表現得好好！話說上次…」
「勁虎？」虎仔邱傲然看向旁邊的王智德，伸出手。
「可！」牽手！叮！配對成功！
正隊長樂文表示睇到班仔個個都心有所屬，老懷安慰（拭淚
皮皮表示咁我呢？
素食主義吳保錡表示：我翻屋企食沙律
呢啲喬奶梁業表示：三爺i love you❤️
一九三三三三表示：肥仔 love you too🥲