Chapter Text
一直以黎，無論係江𤒹生定陳卓賢，定係佢地身邊既隊友朋友都默認左江𤒹生會係求婚既嗰一個。可能係定型，亦都可能只係大家慣左江𤒹生會多d係其他人面前表露愛意。陳卓賢雖然都比大家當初以為既多左表達自己感受，但大家都總會覺得求婚呢家野似江𤒹生既搞作多d。
咁又冇錯既，呢一日江𤒹生就正正係屋企睇緊求婚戒指。
｢呢隻又好似太粗太明顯…唔啱陳仔風格喎。」
江𤒹生對住電腦係度自言自語，完全唔理係梳化嘈到七彩既四個人。
｢喂，我地揀好花啦，你睇緊咩呀？」
皮皮行過黎佢身後八卦，呀唔係八卦，係報告進展，始終今次佢係有知情權家，作為俾江𤒹生拉落水去籌備向陳卓賢求婚。
｢戒指囉。真係好難搞呀。」
「都係家，咁多選擇⋯⋯」
作為過來人既皮皮見到咁多款式已經覺得有少少頭痛，極級慶幸自己老婆係一個愛恨分明既人，以致佢當年唔洗揀傻左。
「妖，d選擇唔係問題呀，係佢冇一隻係我想要既款呀！都唔明d人點設計既！想要隻有藍色邊係外面都咁難。」
「𠵱，你咁叻仔已經唸好要咩款呀？」
皮皮有少少驚訝，明明江生仲係早個星期先急call半班兄弟幫手，話佢一個人唔夠腦力同陳卓賢鬥智鬥力。
「哽係啦，同左佢一齊咁耐，點會冇唸過佢會啱咩款喎。」
「咁咪好，不過你記得隻戒指係紀念你兩個呀， 都要有翻d你既野先令陳仔知呢個係你既承諾喝喎。」
Alton呢個時候伸埋個頭黎，快手開多兩個網頁俾江𤒹生睇。
「係呀，你知唔知我當年為左呢個麻煩處女座搞左幾耐，好在Ian冇Alton咁醒啫。」
隊長都衝埋過黎，一手拎起Alton戴住戒指隻手。
「點呀，你叻仔囉，咁都暪到我，好叻叻豬呀。」
「得啦，當年我地所有人都見證住你地既求婚啦，爸爸媽媽。」
虎仔一臉唔耐煩咁望住呢對老夫老妻。
「係啦隊長知你叻啦，咁你幫下你既副隊長好冇，大佬？」
江𤒹生好俾面咁擰過黎望住爸爸媽媽。
「咁你係想要咩款吖？」
「我想佢入面再有刻字呀！有句歌詞想放入去⋯」
「咁既話，不如你去訂做啦，難得你有哂橋！有幾間我老婆都話過okay既。」
都係皮皮在呢d事上俾到最實際既意見。
「但係咁訂應該都要一頭半個月喎……我怕會趕唔切？」
「咁d計劃咪推遲囉，都係我地幾個人啫，陳仔場音樂會又未定實日期。佢都係想感謝下咁多年相識過既人啫。」
「咁又係既，喂虎仔拎張紙黎吖，我畫低我想要d咩先。你地話揀好d花呢？」
就係咁，五個人繼續七嘴八舌咁討論江𤒹生要點求婚。