Chapter Text
「花姐，呢邊搞掂嘅話我去搵ak先？」陳卓賢卸妝後換回那副黑框眼鏡，看上去無害又帶點清澀。
花姐像個陀螺轉來轉去，指揮著工作人員完成餘下的工作，對他擺擺手「去啦去啦，你睇佢傾完未，順便問佢食唔食宵夜，知你班仔都餓㗎喇。」
「好呀我睇吓佢點，佢應該九成都食。」
行動迅速的助理不知從哪抽來一疊外賣單，姜濤一聽到有吃的第一個衝了過來，「我食串燒！」
「串你個頭，唔準食，又油又剩，肥仔有error嗰一個就夠喇。」花姐忙中不忘監督姜濤的飲食，「唔係唔畀你食，過兩日拍完個廣告我理得你食油鴨脾。」
「真係㗎？可以食油鴨脾？」姜濤露出招牌天真呆笑，決定這兩天乖乖吃雞胸肉。
「係呀係呀，個個有得食你冇，傳出去你啲fan屎話我呢個黑心經理人欺壓你。」
姜濤哄著花姐，轉移話題「我冇食過喎，好冇食㗎？」
王智德很有骨氣的說不吃就不吃，剩下一堆以食為天的鏡仔七嘴八舌下單。
陳卓賢趕著去看ak，剛剛活動到尾聲的時候助理突然神色慌張通知花姐，接著ak就出去打電話了，好像是家裡有甚麼事，他有些擔心。
「兩碗紫菜四寶河啦，ak嗰碗加麵底，唔該晒。」陳卓賢說完就朝休息室方向加快腳步。
走到拐角處，突然有一個頭戴黑色漁夫帽，從頭到腳都包到實的人鬼鬼祟祟從休息室偷摸出來，鎖上門再急步走開，鑰匙卻掉在了地上。
陳卓賢眉頭一皺，覺得好像沒有見過有這位工作人員的存在。他無視怪異的感覺繼續走，撿起鑰匙打開休息室的門，只見江𤒹生倒在了地上，奶茶撒了一地。
「Ak？！Ak你冇事吖嘛？」陳卓賢大驚，「花姐！Ak暈咗啊！」他對門外高呼後便連忙過去蹲下查看江𤒹生的情況，顧不上被奶茶沾濕的褲子。
眾人聞言都紛紛跑來，手忙腳亂。
「痴線ak真係暈咗，快啲call白車。」呂爵安拍打著旁邊的柳應廷。
李駿傑快速拿出手機撥號回應呂爵安「call緊喇call緊喇。」
「你哋讓啲空間出嚟，唔好圍得咁密，畀空氣流通啲。」寶姐拉開幾個湊得太前的人。
王智德抽出幾卷紙巾，「嚟，清咗地下啲奶茶先啦我哋。」
大家開始夾手夾腳清理地上的液體，助理站在外面想幫忙也不知道如何插手，花姐擋了擋「得㗎喇，佢哋有成班兄弟自己ok，你哋繼續搞掂出面啲嘢先。」
陳卓賢一動也不動守在ak身邊，「頭先我入嚟之前，有個著到全黑嘅人偷偷摸摸出嚟仲想鎖門，」他微怒的聲音不大，但足夠讓在場人士都聽得清楚，「我覺得ak暈關佢事。」
楊樂文聞言起身離開，「虎仔皮皮，跟我去搵保安。」
就在李駿傑報地址的時候，江𤒹生緩緩地睜開了眼皮。
陳卓賢的手錶響了兩聲，正正午夜十二時。
「Ak！」陳卓賢激動地叫喚，又收細聲線柔和地問，「你見點啊？有冇邊度唔舒服？」
江𤒹生迷惘惺忪的雙眼注視著他的臉不說話。
「Kong？你點啊？」盧瀚霆他們見江𤒹生醒了便圍上去。
「係，佢醒咗，無問題，可以照過嚟，都想檢查吓有冇事。好，係嘅，唔該晒。」李駿傑放下電話，「照call咗，十分鐘內到。」
花姐點點頭，走過去江𤒹生身旁，「Ak？發生咩事暈咗？係突然唔舒服定點？」看到呆呆盯著陳卓賢沒有反應的江𤒹生，她擔心地皺著眉，「Ak，你聽唔聽到我哋講嘢？」
江𤒹生的神情意識續漸清醒，眼裡有回了神采，在陳卓賢的攙扶下坐到沙發上。邱士縉隨即遞來一杯清水，他接過喝了兩口，清了清喉嚨。
「陳卓賢，我...」
眾人屏氣凝神，聽著他到底怎麼了。
「陳卓賢，我鍾意你。」
江𤒹生面帶笑意但語氣認真，直視他的雙眼道。
一陣肅靜。
「痴咗線啊，真係痴咗...係咪撞到頭...」呂爵安眼球快要掉出來。
大家都不知道作何反應，還在努力消化過於震撼的場景時，楊樂文一行人和保安押著神秘人回來了。
「花姐，就係佢，保安喺佢個袋搵到呢本嘢，」楊樂文展示手上一本桃紅色、封面畫滿符咒和心心圖案，又少女又詭異的可疑冊子，「佢話佢喺奶茶度加咗料。」
「愛情魔法九十九咒...痴線！你落佢降頭？」柳應廷驚叫，姜濤嚇得跳起，躲在他背後。
一直被抓住，低垂著頭的女人突然猛地抬起頭，狠毒的眼神透過又長又亂的黑髮，像是要把柳應廷燒穿一個洞，「我差少少就成功！差少少我同江𤒹生就可以修成正果！如果唔係我漏咗加強法力嘅巫毒公仔喺廁所，我...」她說著說著，眼角瞄到了正甜蜜倚靠著陳卓賢，小鳥依人一般的江𤒹生，瞳孔一瞬放大。
「冇喇...我失敗咗...我失敗咗！我準備咗足足半年！憑咩你只係咁啱喺佢面前出現就可以得到佢嘅愛！」她掙開保安，意圖撲上陳卓賢。
邱士縉等人連忙把她扯開制服，保安報起了警。
「我同皮皮已經睇過吓本嘢，佢應該係用咗第五個咒，嗱，呢度，」邱傲然翻開書，「『混進食物或飲品待其服用昏迷，緊握法器心中念咒』，要喺佢醒嗰吓第一眼望到你，就可以成功迷惑對方，令佢迷戀上你，為期七日。」
大家聽到只有七天期限，算是鬆了一口氣。
「但...期間雙方唔可以分隔超過一米，如果唔係被落咒嘅人會心口痛、呼吸困難，隨時暈低。」陳瑞輝補上了一把大關刀。
眾人又再沉默。
「一米，嘩，咁咪屙屎都要跟住？」呂爵安已經不再管快掉出來的眼球。
盧瀚霆給他飛了個眼刀，「咪講屎住先得唔得。」
「其實都未必真嘅...落降頭呢啲嘢...」七師傅，不是，皮師傅安慰大家。
十幾雙眼睛轉向毫不受鬧劇影響，抱著陳卓賢不放的江𤒹生，視線停留幾秒，又複雜地落在皮皮身上。
「唉...咁大鑊呀...呢壇嘢真係好難搞...」皮師傅摸摸鼻子。
把瘋狂的私生交給警方後，花姐命眾人吃過外賣盡快回家休息，便和陳卓賢二人到醫院陪同江𤒹生檢查。
撇除一直吵著要陳卓賢抱的江𤒹生和醫生護士詫異的目光，慶幸檢查結果出來顯示他身體沒甚麼大礙，只說他可能是壓力大有些情緒不穩，建議他到外面或排期看醫生。
沉默的花姐、黏著陳卓賢心情舒暢的江𤒹生，和沉默的陳卓賢，三個人站在醫院門口。
「Ian，你試吓行開超過一米。」花姐拉住江𤒹生。
陳卓賢看著扁起了嘴的江𤒹生，閉閉眼走開。
「Ak！」
江𤒹生痛得眉毛皺成一團，按著胸口吃力地喘氣，整個人快滑到地上。
陳卓賢連忙跑回去扶起他。
「睇嚟個咒堅work...陳，你帶佢返屋企先，呢幾日你好好哋睇住佢，啲job幫你哋delay。我睇吓搵七師傅又好邊個都好，有冇得搞搞佢，你有咩就聯絡我或者班兄弟。」
陳卓賢邊拍著江𤒹生的背安撫他，邊點頭表示明白。
「唉，已經忙到死，仲玩啲咁嘅嘢。」花姐送他們上車後便急忙自己駕車離開。
陳卓賢頂著江𤒹生眼裡的濃烈愛意，彎腰替他扣好副駕安全帶。
啵一聲。他不可置信地抬起頭。
耳朵上被江𤒹生親過的位置猛地發熱，不用看也知道紅得很。
陳卓賢坐好，把臉埋在雙手中。
剛才他可以偽裝冷靜、偽裝若無其事，現在狹窄的車廂中只有他倆，他再也裝不下去。
一直暗戀的兄弟，現在正瘋狂地迷戀他。
朝夕相對七天，他要怎麼辦？
Day 1.
-
Tbc.