Work Text:
正文:
首先角色(Yan)
「卓欣，你DSE加油啊！」
點解我會聽呢段錄音？因為，佢係唯一一段二哥send過俾我嘅錄音。
我就係卓欣，其實我9年前就考完DSE，依家我係一個律師。我成日要自己做多啲嘢，因為我唔忙，就諗起我二哥。
有時我諗，點解係我阿哥被殺案公佈最後嗰日，嗰個衰人冇坐監！
阿哥被殺之後，我阿媽接受唔到，自殺死咗。
就由嗰時開始，呢個家嘅人由原本嘅阿媽，大哥，二哥同我，變成大哥同我相依為命。
而我大哥，就係陳瑞輝。
我哋兩個發過誓，無論件事過咗幾耐，嗰個衰人一定要付出代價。
但係，我揾唔到佢。
~轉換角色~(AK)
「阿B，我愛你」
愛又有咩用？我連你都保護唔到呀！
呢條錄音帶係我最寶貴嘅嘢，係我執行任務之前所保存嘅。
佢把聲，無論幾耐都咁好聽。
過咗4年喇，我想同你講，對唔住。
唔知，你係天上聽唔聽到？
我叫江生，或者，你可以叫我江大佬。
人在江湖，咩都要做，就算係傷害你嘅愛人，都要忍住心痛做。
而我，依家已經冇再行江湖，因為一個人。
而佢，係我一生永遠嘅遺憾。
甚至，我連佢屋企人都冇講我做乜要殺佢。
我驚，佢哋知道真相後，會去揾幕後大佬，然後被殺。
我寧願，俾佢哋，憎一世。
Sorry
~轉換角色~(Yan)
卓欣，你要堅持！你一定要為二哥討回公道！
其實都4年，呢段時間有好多人問我，點解你唔放低？如果你係我，你就明喇。
我阿哥，真係好容易鍾意上一個人。
但就係因為咁，佢死咗。
我唔明白，嗰個衰人點解殺佢。
佢，到底去咗邊？我要親自揾到佢，問佢當年嘅事。
不過，就算揾到佢，佢都唔會答我啦。
~轉換角色~(Ian)
死神:「你，投胎未？已經4年，你過一陣就會化灰永遠死亡㗎！」
我:「死神，你有冇試過俾人傷害？我原諒唔到我自己呀！我，我唔想我下世仲係咁呀！」
死神:「咁，如果我俾你睇下，佢苦衷？」
我:「吓？」
~轉換角色~(AK)
陳卓賢，我，我好對唔住。。。
我依家，就嚟陪你！係我，係我欠你㗎！
你，應該投咗胎啦？
但我，如果冇你係身邊，我唔投胎。
「江生，你嘅嘢。。。江生！喂！斷咗氣？」
喺被血洗嘅地上，佢嘅兄弟楊樂文發現咗一份遺書。
「 我係一個罪人。當年冇坐監係因為組織cover得好，我對唔住陳仔。我打碎咗佢個心。4年，我原諒唔到自己。唔該幫手打個電話俾佢屋企人，同佢講我死咗。真相，唔好講。永別」
於是，楊樂文處理佢後事，叫咗虎仔通知陳家。
~轉換角色~(Frankie)
「叮咚」
我開門嘅時候，見到一個熟悉嘅人
「好耐冇見」
真係好耐冇見，雖然我知道佢係仇人個朋友，但，唔知點解，一見鍾情。
我:「入嚟先吖」
「好呀」
「你，可唔可以叫埋卓欣過嚟？」
我:「哦」
我唔知點解佢要叫我阿妹。
「你好，好耐冇見」
欣:「邱傲然？你嚟做咩啊？」
然:「我想同你哋講，江生，自殺死咗。佢話佢好內疚。」
欣:「內疚？自殺？佢係內疚當初就唔好殺二哥啦！」
~轉換角色~(Tiger)
雖然，佢講過唔好講個真相，但係，我有必要。
我:「我仲有啲嘢想講。但係，唔好激動。」
輝:「你講啦。」
~轉換場景:死後之地~
死神:我依家，會播一次成件事，你當電影睇啦。我有嘢做。
~轉換角色~(AK)
哇。人死後嘅世界真係靚。
如果，有埋佢係到，就好啦。
我可以同佢講清楚。但佢，應該唔會信我。
死神:「你嚟喇？有人需要你。」
我行咗過去，見到我昔日嘅愛人。
我好想忍住我嘅心情，但眼淚仍然一直落下
我，好掛住你。你，係咪等緊我？
冇可能，你應該憎我。
我都好憎自己。
~4年前~(第三視角)
(此位置是死神播放真相給陳卓賢)
(江生的回憶沒有其他人)
(而邱傲然同陳家兄妹講真相係解釋江生嘅苦衷，冇支線)
陳卓賢同江生好恩愛，已經拍咗兩年拖。
佢哋嘅恩愛就喺呢日開始打碎。
X:「AK，你嘅任務，就係殺咗陳卓賢。」
江:「卓賢？我可唔可以唔…」
X:「唔得！你一係做，一係我自己殺咗佢，仲有佢屋企人！」
江生嗰時就諗，如果係我親手殺咗佢，可能，佢冇咁痛苦。佢屋企人都唔會無辜咁死。
江:「我做，但你要同我講，點解，要殺佢。」
X:「冇原因。有人落order。」
所以幾日後，佢決定約卓賢去酒吧分手。
江:「你終於嚟喇？」
賢:「嗯。阿B你揾我咩事？」
江:「我哋分手啦。」
賢:「點解啊？我做咗啲咩啊？我改吖！」
江:「冇。我唔愛你喇。」
賢:「你前幾日仲係我屋企過夜㗎！你想點啊？我，我求下你唔好走吖…」
講完之後，江生就走咗，佢嘅眼淚一滴一滴滑過佢面頰。
而陳卓賢好絕望，直接飲咗一打又一打酒，最後扒喺吧枱上。
一個前幾日仲喺床上面話愛佢嘅人，竟然會用唔愛佢嚟分手。
當晚有人打電話俾陳卓欣，同佢講陳卓賢喺某酒吧飲醉咗。而直到依家，陳卓欣都唔知，其實嗰個人係江生。
嗰日之後，陳卓賢喺屋企喊咗好耐，所以卓欣同瑞輝決定去揾Anson問清楚。
江:「點？」
欣:「江生，你想點啊？你搞到卓賢一直鎖自己喺房啊！」
江:「冇，係佢太玻璃心。講分手就反應咁大，唔好話係我。」
講完之後，Anson就走咗。
江:「抱歉，我，都唔想…」
欣:「你！」
輝:「阿妹算啦。」
然:「等陣。」
輝:「咩事？」
然:「俾呢個你哋，原本Anson話要俾卓賢，但我驚佢會傷心。」
陳卓欣知道，眼前嘅人，並無惡意。
或者，喺佢嘅說話，聽到有對陳卓賢嘅關心。
陳瑞輝伸手喺邱傲然手上攞嗰件江生還俾陳卓賢嘅定情信物嘅時候，唔小心掂到佢隻手。
大概，佢哋係由嗰時開始對對方有感覺。
欣:「佢到底想點啊？還俾佢？」
輝:「算啦，行啦。」
幾日後，到咗執行任務嗰日，江生忍痛約咗陳卓賢。
賢:「你約我出嚟做咩？」
江:「你係咪仲鍾意我？」
賢:「嗯，我真心㗎！當初係你追我㗎！你令我鍾意上你，之後你話分手？」
江:「你為咗我，可以去到幾盡？」
賢:「可，可以犧牲自己。」
江:「咁，你去死啦。」
江生拔出手槍，準陳卓賢，手指喺一秒間嘅時候扣動扳機，子彈精準咁擊中陳卓賢嘅心臟。
最後，陳卓賢留低咗一句俾江生。
賢:「我犧牲自己，總可以啦？」
當時，江生係有俾時間佢避。
但係佢冇，佢企咗喺到，甚至，至死都冇怪過殺死自己嘅人。
可能，佢真係好愛江生，愛到，俾佢殺咗自己都得。
而Ian唔知嘅係，江生如果冇殺佢，佢屋企人同佢，會更危險。
江:「對唔住，好對唔住，真係好對唔住…」
隔日，陳卓欣喺屋企收到個電話
「你好，請問係咪陳卓賢家屬？」
欣:「冇錯。請問咩事？」
「陳卓賢尋日被殺，希望家屬節哀。同埋，請喺今日到XXX認屍。」
陳卓欣完全接受唔到呢個事實。
輝:「咩，咩事啊？」
欣:「阿，阿哥，佢死，死咗。」
陳媽:「咩話？」
欣:「佢話，叫我哋去認屍。」
輝:「咁，咁我哋去啦。阿媽你留係屋企先啦。」
去到殮房嘅時候，佢哋見到個熟悉嘅身影。
佢正正就係嗰個兇手。
警:「陳先生，陳小姐，請問死者係唔係你哋家屬」
雖然屍體塊面有少許血跡，但陳卓欣一眼就認出係佢二哥。
欣:「係，佢係。」
警:「你隔離呢位，就係兇手。」
陳卓欣望一望江生，真接捉住佢衣領。
欣:「你個衰人！同佢分手都算啦，仲殺佢？佢到底做咗咩得罪你啊？要殺人？仲等我阿哥嗰時鍾意你，江生，你有冇良心㗎？」
江:「對唔住。」
欣:對唔住？你陪條命都冇用啊！
陳卓欣嗰時唔係好鍾意香港嘅法律，一嚟律師本人唔可以幫有親屬關係嘅人打官司，二嚟香港最重嘅刑罰係終身監禁，而唔係死刑。
不過，就算判江生死刑，陳卓賢都唔會返嚟。
但至少，懲罰咗佢呢個咁衰嘅人。
卓欣唔知，江生唔殺卓賢，佢都會死。
當晚更加發生咗啲慘事。
陳卓欣陳瑞輝兩個收到電話，佢哋阿媽跳樓入咗醫院，佢哋係即時飛的入去。
但，太遲了。
到搶救室外面嘅時候，佢阿媽已經冇咗心跳。
醫:「對唔住，我哋盡咗力。病人死亡時間係晚上10點16分，請家屬節哀。」
今日已經係陳卓欣第二次聽到「節哀」兩隻字，不過更加令佢崩潰嘅，係死亡時間。
佢冇諗過，原來咩都可以關江生事。
今日正好係10月16號，係江生生日。
而陳卓賢被殺時嘅年齡，正好26歲。
而兩個死者，一個係俾江生殺，一個係因為江生殺陳卓賢而自殺。
嗰晚返到屋企，陳卓欣同陳瑞輝喊咗好耐。
聽日，陳卓欣亦都明白需要鎮定，就去咗返工。
但陳瑞輝冇咁冷靜，佢走咗去跳樓。
好彩，邱傲然咁啱上去天台，救咗佢一命。
然:「你做咩啊？」
輝:「你唔好理我啦！」
然:「你死咗，咁卓欣點算啊？我又點呀？」
輝:「卓欣都大個啦。同埋，關你咩事？」
然:「我，我鍾意你呀！」
輝:「對唔住。如果你唔係殺我細路嘅兇手個兄弟，我可能會考慮。」
然:「我明喇，你落返嚟先啦。」
跟住，陳瑞輝就離開咗天台。
係，如果邱傲然唔識江生，可能佢兩個已經喺埋咗一齊。
但，佢係江生嘅朋友。
~兩年後~
喺組織嘅cover之下，江生最終係終審法院裁定罪名不成立，無罪釋放。
呢件事之後，江生，楊樂文，邱傲然正式退出組織。
江生係因為陳卓賢嘅死而退出。
邱傲然係因為陳瑞輝而退出。
而楊樂文退出嘅原因，至今無人知曉。
~交代真相結束~
欣:「原來，江生殺二哥係…」
然:「冇錯。但係冇人知邊個落order。」
~轉換視角(第一視角)+角色(Ian)+場景~
原來，佢殺我係有原因。
我，係咪錯怪咗佢。
就算佢殺我，但如果我唔死，卓欣佢哋點算？
我好掛住你啊。
呢個時候有人拍咗下我膊頭。
我:「江生？你，你嚟咗？」
江:「嗯，我嚟喇。對唔住呀，我，我冇心㗎！」
我:「我知，我唔怪你呀。」
死神:「咁，你哋投胎未？」
我:「嗯。咁我哋下世用咩嚟相認？」
江:「我哋咪有個情侶紋身？」
我:「嗯。死神，我哋準備好啦。」
死神:「祝你哋下世揾到對方。」
~轉換角色(Tiger)+場景~
輝:「等陣先。」
我:「咩事？」
輝:「我帶你去一個地方。」
佢，想帶我去邊？
落車之後，佢帶我去咗某棟大廈嘅天台。
我記得，呢到係我4年前表白嘅地方。
我:「你帶我嚟做咩？」
輝:「記唔記得呢到？4年前，我諗唔開，爭啲跳咗落去。係你救我，我仲未多謝你，多謝。」
我:「唔洗客氣」
輝:「你記唔記得，你講過啲咩？」
我:「咩啊？」
輝:「你之前咪係到同我表白？我應承你。」
我:「真㗎？」
輝:「嗯。伸你隻手出嚟吖。」
我照做，佢係個盒到攞咗對戒指出嚟，將一隻戴喺我手上，一隻一直攞住。
輝:「喂，幫我戴啦。」
喺呢一刻，我接過佢手上嘅戒指，幫佢戴上。
我依家先發現，原來陳瑞輝你笑係咁可愛。
喺我嘅人生，有你我先完整。
或許係你，幫我原本黑白嘅世界，加添唔同嘅色彩。
輝:「返去啦？」
我:「嗯」
多謝你。
~轉換角色~(Yan)
頂吖！阿哥你同邱傲然去咗邊？
輝:「我返嚟啦！」
我低頭望到…我親愛嘅阿哥同佢親愛嘅邱傲然拖手。
輝:「係喎，未同你講，佢依家係我男朋友。」
其實呢，我唔反對，但你哋可唔可以唔好喺我前面放閃？如果唔係，我實反對你兩位。
我:「哦~你兩個一齊我唔反對，但係，你兩位咪喺我前面親密，一係返房慢慢，一係就唔好一齊。」
然:「但係我可摸以返屋企執行李？」
我:「咁我話唔可以係咪唔執？」
輝:「即係可以呀，行啦，我揸車。」
佢哋出咗去幾個鐘，都唔明執咩咁耐。
佢哋返嚟，我明喇。
你唔好同我講你哋兩位搬嗰少少嘢會出好多汗，喺嗰到沖涼換衫呀！好明顯阿哥你身上件衫係邱傲然㗎！
你搞到好似著緊身衣。
輝:「咁我哋上去啦~」
我:「你兩個放閃？小心啲呀！仲有呀，自己間房有大浴缸嗰個，小心浴缸唔夠位呀！」
面皮厚係唔同啲，我鬧佢佢當聽唔明。
唉…
｛1年後｝
我:「陳瑞輝邱傲然你兩個做咩帶咗兩個阿B返嚟啊？」
輝:「咁原本只係想領養一個，但係佢哋又癡到實一實，咪領養兩個囉…」
然:「係囉，佢哋手上面又有同一個胎記，我諗係緣份。」
輝:「阿妹不如你幫佢哋改名？」
我:「呢個白啲嘅，叫陳卓賢。」
輝:「佢似細佬？」
我:「嗯。」
然:「咁呢個黑啲嘅呢？」
我:「Anson。」
輝:「中文名？」
我:「江生。」
然:「佢哋似咩？」
我:「根本就係。」
輝:「吓？」
佢哋…大個應該唔會好似前世嘅結局。
但願如此。
完。