Chapter Text
<平行時空>
Chapter 1
傳說世界上，存在着不同的時間空間，另一個世界裡面，有著另一個自己，過著不一樣的生活，發生著不一樣的故事。華鏡國位處於世界邊陲地帶，夜長晝短，常受寒冷風雪濃罩，年間只有個多月是夏天，國民均自力更新，沒有日新月異的科技，卻有濃濃人情味。
華鏡國城堡內，盧瀚霆少主，年少即位國君，伴隨着數名隨從在身側。國君外貌非凡，炯炯有神的小垂棕色眼眸，長而翹的睫毛映襯，氣宇軒昂，皮膚因長處於少日曬的情況下，異常白皙，屬國內所有女性傾倒的對象。但行蹤飄忽，神龍見首不見尾，經常為隨從帶來恐慌。
***
Whatsapp 訊息：
柳柳：Edan，雪國異境今日上線呀！DL咗未？+好友plz 12:30
一身健康膚色年青人手持電話，耳戴Air pod，一指撥開通訊通知，進入了虛擬世界之中。
（咚…咚…咚…）紅色交通燈人仔高高掛在黑色的盒子上。（呠！呠！呠呠呠！！！）高頻的汽車警告音響起，瘋狂提示着亂過馬路的人走避。
新聞報導「今日下午12時30分，銅鑼灣崇光百貨外，發生一宗交通意外，一名手持手提電話的呂姓青年，被客貨車撞倒，即時送院，暫時未知受傷情況…」
［呀…好痛…咁黑嘅…搞乜唔開燈呀］
「哥！哥！唔好有事呀⋯⋯嗚…嗚…」少女擔心地哭泣。
［小如豬？！發生咩事呀？唔好喊！呀！成身好痛…郁唔到…講唔到嘢…好凍…」
「你哋係咪呂爵安屋企人？要有心理準備…」沉穩的男士聲音。
［咩心理準備…？好攰…！…！」
***
（咕咕...咕…咕！咕咕…咕…咕！）
「痴線！邊個set咗我鬧鐘做雞叫！啊⋯⋯嗯⋯⋯」睡眼惺忪的青年在晨光中醒過來。
「仆街！我好似撞車？？？」青年手忙腳亂地撫摸自己的身體。「咦！無事嘅…唔痛喎！手手腳腳都好齊存！嚇死！發夢啫！」
青年坐起身來，準備起身，進行一天的活動「咦…木地板？咦！木天花？咦！我個電話呢？呀！唔係！呢度邊度嚟！！！」
「爵安呀！起身未呀？難得天氣暖，幫手曬下床單被鋪啦！」溫柔的女士聲音在門外響起。
青年快步步向音源，打開門，見到一名成熟的中年女士向自己微笑「爵安，起咗身就洗面啦，食啲嘢，再出嚟幫手！」
「er…你點知我叫爵安嘅…你係…？」青年一臉疑惑，完全弄不清楚狀況。
「呀！衰仔！呀媽都玩！係咪想無飯食！快啲去洗面，食早餐，出嚟幫手先得㗎！」中年女士拿起木棒，作狀打罵青年。
聰明腦袋即時上線，為免被打跟沒飯食，還是乖乖聽［呀媽］的說話，洗面和食早餐，反正就是餓。一邊食早餐，一邊觀察着四周的環境。身處在一間別緻的小木屋，有兩層樓高，幾個房間，要是在香港，這麼大的地方，沒幾千萬是不可能擁有的。
從窗戶向外看，綠悠悠一片，有山有水有樹有田，還有牛、馬、羊、雞、狗，尚算有陽光，但就是有點冷。「吓！呢度邊度嚟㗎！郊區？整人節目？咁大整蠱？乜料呀？」爵安驚訝地喊了出聲。
「咁大聲嘈咩呀你？瞓懵咗咩？！」一名少女從二樓步下，投訴着對方大叫。
「小…小如…豬？呢度邊度嚟㗎？我哋點解喺呢度嘅？我哋…」爵安被眼前事物所震撼着，看到自家妹妹的臉安心了不少，一連發問着多個問題。
「你就豬！你係咪撞親頭呀？咩邊度嚟？屋企你都唔認得嘅咩！」小如一本正經地怪責對方古怪行為。
「屋企？你係小如豬呀嘛？我係你哥呀嘛！我叫呂爵安喎！呢度唔係我哋屋企喎！」爵安反覆地思考現在處境。
「咩豬呀！你就豬！我梗係知你叫呂爵安啦，玩嘢咩！呢度唔係屋企，咁邊度係呀？你琴晚係咪撞親頭，定今朝未瞓醒覺呀？點解咁九五八八！」小如沒好氣回應眼前這個失魂哥哥。
「唔係喎！香港邊有咁多動物四圍走！你睇吓出面，又牛又羊又雞，狗都算啦！」爵安用盡最後一根理智在發問。
「咩香港呀？？？邊度嚟？我無聽過喎！我哋由細到大都喺呢度生活喎！華鏡國喎！隔離國家都好似唔係叫香港㗎？！你係咪仲發緊夢啫！」小如咬着面包，疑惑地看着哥哥。
「華鏡國？華…鏡…國！」熟悉的地方名稱在爵安腦海中搜索［…！…！雪國異境！新個隻RPG？！？！我喺game入面？？？？我係咪真係發緊夢？？？？］「小…小…如…你可唔可以冚我一巴…」
小如兩眼發光，星閃閃的看着自家哥哥，興奮地說「我真係可以打你一巴？」
「er…唔係！我講笑啫！」爵安馬上後悔自己的請求。
兩兄妹（？！）吃過早餐以後，到室外幫助媽媽晾曬被鋪。但由於生活於城市的港孩，對於晾衣服等家事，一竅不通，終於將所有乾淨的跌落地上，最後還得重新再洗一次。把媽媽氣瘋了，然後給指派新的任務——放羊。
黑白色的大狗無預警下撲到爵安身上，爵安連連驚呼，引來小如的大笑「哥哥，你今日好奇怪，平時你無咁論盡㗎喎！」
「隻狗咁大隻，我驚狗㗎！同埋點放羊㗎？我鬼識咩！」爵安愁眉深鎖。
「吓？Roxy係你執返嚟養㗎喎，你驚佢？同埋放羊係Roxy放之嘛，平時你都係偷懶跟住佢啫，有咩唔識？你真係好古怪，你係咪我哥嚟㗎？」小如疑惑不解的看着哥哥。
在不知如何面對之下，爵安猶如小如所說，跟着大狗一起去放羊。還真的甚麼都不用做只是跟隨就可以。漫步到山上草地，順便梳理自己的思緒。
［所以我好似啲漫畫咁？穿越時空去咗隻Game度？異世界旅行？咁我係咪異世界勇者？正常跟據漫畫，我應該有啲特別能力？又好似無喎！我係咪要做咩任務先可以返現實世界？死喇，我skip晒啲畫頭，唔記得隻Game要點end喎⋯⋯總之依家要升lv！End Game！返屋企！］邊呼吸着香港沒有的清新空氣，邊回想自己的重要事項，爵安得出要完成遊戲就可以回家的結論。
放羊小群來到山丘的位置，放眼望去，可看到遠處有小城鎮，中間有大城堡，跟網遊廣告的畫得一模一樣，再次感覺到自己置身於遊戲之中。「嗯⋯⋯咁香嘅……有陣雲呢拿味……」沿着味道尋找。爵安發現一個衣著打扮非常亮麗的男子，倚靠在樹下閉目歇息［遊戲中，第一個遇到嘅人，通常都係重要伙伴！要認識吓先］
「你…你好…！…！」就在爵安開口之際，那衣着亮麗的人拔劍相向，抵住下巴，劍指喉嚨。
「咩人？」男子定眼仔細打量爵安。
「我…我…放羊㗎！」爵安牙關打擅，想着這輩子也沒有離死亡那麼近。
「放羊？」男子看向爵安身後遠處，的確有一群羊，跟一隻狗「唔好意思！我反應大咗！」男子收起了劍，道歉了事。
「請問你係…？」爵安眼見對方收起殺意，隨即發問。
「我係普通商人，剛好經過此地，無需理會。」男子俊冷的臉沒笑容的說道。
「我住山下面㗎，我叫呂爵安，可唔可以做個朋友？」爵安想着遊戲的商人就是錢。有錢就有萬萬可能，一定要巴結成功。
「er…我叫盧…呀！唔係，你叫我撈撈啦！我住係城…市入面！有機會再見！」撈撈說畢後，隨即下山，沒再多作寒暄。
是夜，爵安回到小木屋的家，輾轉反側地回想自己今天的經歷，祈求明天醒來是在自己真正溫暖的被窩。
TBC
#danson
#danson文
#登神
#登神cp文