Chapter Text
-
「Dr. Lui，之後冇其他病人啦。」
「唔該哂小遙，你可以走先㗎啦，幫我轉返嗰牌就ok，我執埋啲嘢就走。」
護士小遙點頭示意，關門轉身離去。而就在小遙的身影完全消失在眼前時，呂爵安立刻解鎖手機，點開桌面分頁上唯一一個應用程式，這是他在見病人的空隙間偷下載的新手遊—「鏡中奇遇」。
這是一款在封測時已經大鑊好評，事前登錄人數突破二十萬人的熱門手遊，而造成如此高人氣的原因就是它的豪華聲優陣容。
「鏡中奇遇」邀請到香港當紅的動畫配音團隊進行錄製，大家常說粵配比不上原版，但就是這隊配音團讓粵配有了新熱度。
身為重度二次元迷的呂爵安不放過任何一個新番或手遊，他也是曾經唾棄粵配的人，直到他聽到盧瀚霆的聲音。
不管是性感魅惑的大哥哥、天然呆萌的青少年、活潑爛漫的小正太，盧瀚霆都能配出角色的神韻，使角色鮮明好幾倍。
而盧瀚霆低沉且帶磁性的嗓音是呂爵安最喜歡的，時而慵懶、時而誘惑的聲音宛如邱比特的箭矢命中他的要害，從此沉淪下去，無法翻身。
盧瀚霆身為配音團隊的一員，當然也有為「鏡中奇遇」的角色配音，成為狂熱粉絲的呂爵安怎能錯過。來到遊戲正式上架的這一天，呂爵安左盼右盼終於等到下班，打算家也不回先設置好遊戲設定再說。
經過漫長的時間，材料包下載好、用戶名設定好、外觀細節選好，終於來到最重要的部分——十連抽。事前登錄送的十抽，外加新手教學送的十抽，一共二十抽。
呂爵安已經摩拳擦掌、迫不及待了：「唔該唔該！求神拜佛俾我抽到撈豬配音嘅角色呀！」可惜的是，被好友笑稱「黑氣石」的他又怎會二十抽就抽中盧瀚霆配音的UR角色呢。
不過沒關係，呂爵安已經做好課金的準備，抽出信用卡、輸入資料、選擇最大禮包，課下去！
「今舖就算之後食樹皮都一定要抽到撈豬！！！」經過撈豬的眷顧（並沒有），接下來的一個十連抽，畫面正中央散發着耀眼奪目的彩光，終於——抽到了！
“Hello～好開心可以同你並肩作戰，之後落嚟嘅旅程等我哋一齊努力呀！嘿嘿～”
「係撈豬呀！！！把聲真係好好聲呀！我都好開心可以同你一齊冒險，一齊加油～」呂爵安把臉頰貼在手機螢幕上，隔空觸碰他最喜愛的角色…或者聲優，一共花掉的二百五十抽已經被一瞬間遺忘。
呂爵安把角色設定在遊戲主畫面，都辦妥後才終於動身，收拾東西回家。
-
吃過晚飯洗過澡，呂爵安躺在床上享受着“me time”，與盧瀚霆的聲音一起。
“你返嚟啦～有冇掛住我啊？嗯～”
「有呀撈豬！我好掛住你呀～等我開多啲關，unlock埋其他錄音先！」如是者，呂爵安一整夜都在闖關，直接玩到是次更新為此的最新進度。
盧瀚霆的配音角色自然每一關都被呂爵安放在隊伍裏，每次出招時角色都會喊出招式名，使整個遊戲過程都充斥着盧瀚霆的聲音，聽得呂爵安整個人飄飄然。
這操作同時令角色的等級以勢如破竹的速度直線上升，順帶解鎖了新皮膚。
“多謝你呀～呢套衫好靚，我好鍾意呀！Muah～”
「呀！！！撈豬錫我呀！有冇得重播？有！Yes！我要loop爆撈豬錫錫嘅聲～嘻嘻～」呂爵安在語音欄瘋狂點擊<感謝1>的語言，時不時還發出猥瑣的笑聲。
在點擊數百下後，呂爵安終於從盧瀚霆的親吻聲中回神，回到主畫面欣賞角色的新皮膚。
遊戲角色有着一頭蓬鬆的栗棕色短髮，俏皮的心型瀏海顯得臉蛋更加嬌小，下垂的小狗眼既靈動又惹人憐愛。角色的穿着從樸素的新手冒險裝變成了魔法師打扮，寶藍紫色的色調顯得皮膚愈加白皙。
「其實嗰角色畫得都幾靚呀～」呂爵安點了一下角色的臉，卻意外觸發了語音欄以外的話語。
“嘿嘿～唔好篤啦，好痕呀～”
「Oh My Gosh！！！點解我唔知有呢句嘅？！咁篤第二到呢？」呂爵安瞬間彈起來，雙眼發光地瘋狂點擊，務求開啟更多隱藏語音。
“喂呀！都話唔好篤囉～”
“你再篤我嬲㗎！”
“喂呀…篤人呢到嘅…”
呂爵安手指一頓，內心有數萬隻馬匹在狂奔：「呢嗰遊戲咁鹹濕㗎咩……仲唔篤爆你！！！」彷彿被打開了按鈕，呂爵安點擊角色的那一處。
“呢到唔篤得！”
“喂呀！鹹濕唔得呀！”
聽着盧瀚霆用時而軟糯，時而傲嬌的聲線說着惹人犯罪的話，呂爵安只覺得自己血脈沸騰，隨時都有起機的可能。然而，小爵安未開始已經結束——
“都話唔準篤呀！！！”
角色在咆哮後，任何點擊都再沒有盧瀚霆的聲音，驚慌失措的呂爵安以為自己把遊戲玩壞了，馬上到遊戲討論區尋求幫助，卻發現大家早就在討論這個話題。
原來這是遊戲商的特別設計，觸碰主畫面角色會有隱藏語音，但隱藏語音與好感度有關，每次觸碰都會使好感度上升或下跌，當好感度跌至零時將不會再有任何語音，直至好感度回復至五十。
呂爵安剛才流氓般的行為把好感度直接歸零，但作為重度課金玩家，呂爵安沒在怕的。一輪瘋狂送禮物攻勢後，好感度直接灌滿，盧瀚霆的聲音回歸了。
“嘿嘿～多謝你嘅禮物呀～”
“好夜啦，仲唔瞓？係咪…想一齊瞓呢？”
「呀！！！我想呀撈豬呀！我想攬住你瞓呀～」盧瀚霆用氣聲說出後半句話，既性感又嫵媚，被撩到的呂爵安在床上打滾，不死心的又點了幾下角色的臉蛋。
“要瞓覺啦，送你一個good night kiss，muah～”
“好夜㗎啦，我唱歌氹你瞓呀～小寶寶，食蛋糕～”
「噗！點解會唱呢首㗎，撈豬真係好cute cute呀～點解唱歌咁好聽～點瞓得著呀！」呂爵安完全沉醉在盧瀚霆迷人的聲線裏，無法自拔。
每一段對他說的話即便是預錄也同樣能撩撥他的心弦，最後呂爵安有一下沒一下的點擊角色，聽着盧瀚霆一遍又一遍的歌聲，迷糊間睡過去了。
-
隔天一早，不用上班的呂爵安繼續沉迷在盧瀚霆的溫柔鄉裏。
“早晨呀～新一日又可以見到你，好開心呀～”
「早晨呀撈豬，我都好開心呀～聽到你把聲真係咩煩惱都冇哂～嘻嘻～」呂爵安趴在床上繼續逗弄角色。
隱藏語音的魔力比一般語音的還要大，光是戳戳角色、聽聽誘人的話、再送送禮物，呂爵安覺得自己可以耗上一整天。
「呂爵安，放假咪淨係掛住瞓係到！過嚟同我揼好張枱，新買㗎！」呂媽媽看不過眼呂爵安放假就耍廢，決定安排一下工作給他。
而整個下午呂爵安都在組裝桌子，隨後又被趕出去買菜，到重回盧瀚霆的懷抱時，已經是晚上了：「唉～成日冇on過咁滯，等陣要玩返耐啲先得～」
“咁耐唔見你嘅？我好掛住你呀～唔好唔要我呀…”
盧瀚霆用軟糯的聲音，可憐兮兮地撒着嬌，呂爵安的罪疚感立即湧上心頭：「唔係呀撈豬！對唔住呀！以後唔敢啦，乖～送多兩碗飯俾你，唔好唔開心啦～」
而此時，電話響了，呂爵安剛推開彈出來的通知欄，同一個電話又打來了：「屌！阻住我氹撈豬，洗唔洗連續打兩次呀，屌柒你先得！」
「喂…唔好意思呀打攪你…我依加發燒，想問會唔會有夜診睇？」
電話那頭的人雖然聲音沙啞，卻仍帶着一絲獨有的撒嬌感，軟綿綿的、魅惑感十足的嗓音與遊戲裏把他撩得不要不要的聲音同出一轍。
其他人可能不會察覺，但身為聲控，且撈豬狂熱迷，呂爵安賭上他對撈豬的愛——這人一定是盧瀚霆！
「喂？…如果唔方便嘅…」
「…你係撈豬？」
糟糕了！電話掛斷了！後悔着自己的魯莽行為，呂爵安立刻撥回去：唔該唔該！一定要聽呀！接咗啦！
「喂？Sorry呀，唔好收線住！我可以幫你睇呀！發燒唔好拖呀，我依加send個地址俾你？」
「…好啦～真係麻煩晒你，唔該晒！」
「唔洗客氣～我send咗啦，你睇吓收唔收到？」
「收到啦，咁我依加出門啦～」
「你到咗就推門入嚟啦！我等你，bye bye！」
「Yes！同到撈豬講電話，仲可以見真人呀呀呀！快啲出門先得！」呂爵安換上整潔的襯衫西褲，認真地抓了抓頭髮，拿着電話和錢包便衝了出去。
-
To Be Continued