Work Text:
Chapter 1
第一單元：失散
第一章
從面向廣播道的大廈正門走出來，一個身影拖著疲倦不堪的身軀沿著下波的路段前行…
「死人爛鬼車，好壞唔壞今日先黎壞，攰到死先要自己搵車，死啦….點解無人接單架？個Apps壞左咩？」盧瀚霆不斷檢查手機Call車程式，但完全沒有任何消息。
『啊！』方圓百米都不見人影，但從耳中卻傳來了擬似一把人聲。
「嘩！撞鬼邊個咁夜仲係度叫？應該唔會輝哥掛，呢個時間佢仲報道緊新聞，無理由開緊咪會大叫嘛？」盧瀚霆看看手錶指針正指向三點零七分。
『有無攪錯啊！好日唔揸夜車宜家先黎壞燈架，媽咪啊，咁黑好乸恐怖啊…點行啊？…… 啊！…』
剛才那把聲音再次出現在耳中，聽著卻有點熟悉感覺…然後盧瀚霆想也不想就撥出了某人的電話號碼。電話隨即被接通。「喂….阿撈？」
「喂！呂爵安！你啱先仲乜大叫啊？你係邊啊？有無事？」
呂爵安好像如獲救星，他大概知道對方又一次聽到自己叫喊求救。「撈啊，我架車大燈突然間燒左啊，條路街燈又閃下閃下咁，咁黑我睇唔到路炒左上壆啊！點算宜家？我行唔到啦….」
盧瀚霆心想竟然這麼巧合大家同日壞車，聽著對方聲音大概人沒大礙，但他還是有點擔心。「你宜家係邊啊？仲乜咁夜仲走出黎呢？」
「我宜家……呢度邊度黎啊…啊！頭先經過法國醫院，然後就入左呢個位…我其實漏咗袋野係公司，諗住返去攞返，點知行行下就出事…」
「漏左袋野都唔使半夜返黎嘛？聽日先攞唔得咩？」盧瀚霆翻了個白眼，心想哪有人只為了拿個東西就半夜衝回公司呢？
「唔得啊！聽朝我有事返唔到電台啊，但個袋入面有盒野係幫小如買㗎，聽日比唔到佢實鬧死我….」呂爵安哭訴著。
盧瀚霆想了想然後回應「不如我返上去幫你拎啦，我架車下晝攞左去整啊，宜家仲係公司附近搵緊車，你係法國醫院附近呀嘛，等等我轉個頭落黎。」
接著他重新走入電台大樓，走到呂爵安的位置取回他聲稱留下了的紙袋，偷偷望進袋裡只見盡是海報、應援手幅、簽名相等，沒有忍住反了一個白眼，正要轉身離開的時候發現新聞部陳瑞輝也準備下班了。
「喂！阿撈，仲未走咩？乜返轉頭既…漏左野？」陳瑞輝對這個時間還看到早已下班的盧瀚霆便好奇問道。
「係啊輝哥！我架車壞左又call唔到車，等左大半個鐘都未有啊，之後…順便幫呂爵安拎返佢漏左既野！」
「哦….咁要唔要車你落去接的士啊，呢個鐘數真係未必有人肯接單架！」
「好啊！咁麻煩晒輝哥啦！」
「係呢？你會唔會有時間？可唔可以車我去法國醫院附近兜下，頭先呂爵安話漏左野想返電台，但架車半路壞左係果頭附近…」盧瀚霆說著雙手合十期待陳瑞輝可以幫忙。
「乜你地又咁夾既，連車都一齊壞…哈哈哈！好…無問題，咁夜應該唔多人係街好易搵既。」
陳瑞輝駕車來到醫院，然後沿著附近幾個路口去尋找，最後來到一條小路，只見沿路有兩處街燈已經壞掉，在昏暗不明的路邊，車燈正照著前方不遠處有一輛車尾亮著壞車燈的藍色汽車停靠著，車頭向左傾斜前輪駛上了行人路石壆。「係呂爵安架車啊！」盧瀚霆一眼便認出來，陳瑞輝把車停靠在藍色車的後面，盧瀚霆一下車便看到呂爵安蹲在行人路上近車尾處，頭伏在兩腳之間。
「呂爵安！你死得未啊？知唔知你咁樣好危險架？」呂爵安聽到盧瀚霆叫著他，立即抬起頭站起飛撲到他身上並拉著他的左手不斷搖晃「阿撈…..你黎左就好啦！」
「你冷靜啲先，睇過….」盧瀚霆甩開呂爵安隻手往車頭走去，檢查著車頭的狀況。「睇落都係燒左車頭燈啫，車頭表面都無咩事啊！」這時陳瑞輝也下了車走到他們身邊看到情況便說「不如我幫你Call左拖車先啦！」呂爵安連忙道謝。
由於不想再打擾陳瑞輝，他們讓他先行離去，便坐在路傍的花槽邊等待拖車到來。直至拖車到來前，盧瀚霆一直透過車窗看著車內後座的位置，心裡有種說不出的奇怪感覺，但礙於現在是深夜時分而呂爵安就在他身邊，他選擇把不安暫時放下，免得有人嚇得鼻頭無肉，害他要陪伴著一起通宵不眠不休，直到拖車到來處理後便接了一輛的士一同回家去。
「呂爵安，你真係好黑仔，無端端都可以燒車頭燈，行過既路又咁啱壞街燈既！」盧瀚霆忍不住揶揄道，但心裡卻盤算著。
「咩喎！我都唔想架…」呂爵安正苦惱著沒有了座駕明天如何出行。
「我建議你下次呢咁夜就咪自己揸車啦，坐的士咪算囉，好似宜家咁咪找屎上身囉！」盧瀚霆意有所指，當然呂爵安沒有聽出來。
「唉…下次？我唔想再有下次啦！」
「仲有啊……唔該你咪成日大叫啦，頭先真係比你嚇死啊！」說著說著的士已來到他們住所對出的大街路口，他們便下了車。
「聽日見…唔係，聽日唔好見啦，見親都無好野！」
「係咪咁講野啊，你好彩盧瀚霆，聽日我Off，早抖啦！」
「有人放假開心啦，咁早抖啦！」說罷便各自轉身向著相反方向隱沒在兩座大廈中，只有微弱街燈的街道再次回復寧靜。
TBC