Chapter Text
「Jer, 幫我請人頂你個位。」呂爵安一邊簽署文件一邊吩咐道。
「老闆你。。炒我呀？」柳應廷擔任他私人助理多年，為如此淡薄的主僕情誼暗暗婉惜。
「用下你個腦啦， 我下星期開始過中環懋華地產坐陣，要請返個personal assistant 跟我，你留喺ICC幫我睇住呢邊。」嘴臉態度從來都勢不饒人。
舒了口氣後立即恭敬回應：「係嘅細呂生。」
把簽妥的文件交還，呂爵安又繼續道：「開頭你跟埋我過中環， 請到人，交接好先返ICC ，而家出返去。」
「呂生呀，收購左懋華，淨係你一個人過去？唔驚果邊d 老臣子唔服你？唔換過d 高層得唔得架？」柳應廷考慮周詳。
「我有咩唔得？有咩人我呂爵安駕馭唔到？」自傲的話脫口而出，腦內浮現出一個名字，擺擺手催促話多的人盡快消失。
~~~
中環IFC寫字樓內，柳應廷雙手放背後，身體微傾，「細呂生，間房已經搵人清潔左，你睇下有無野需要大執？」
「無。 」解下意大利頂級西裝鈕扣，坐到新添置的大班椅上，座位隨轉軸一轉，一副君臨天下之勢，遠佻對岸尖沙咀景觀，回頭又道：「Jer, 開發部應該有個副經理姓姜嘅，叫佢入黎見我。」
敲門聲響起，一張傻呆的臉走到辦公桌前，「duck 少？」
「喺公司叫返我Edan.. 」饒有趣味的看着被嚇到的人。
「點解。。你。。」姜濤不解之中帶幾分緊張。
「安如地產都係under 呂氏集團，我阿爸睇呂氏，我睇安如，收購左你地，我黎take over有咩問題？定係唔高興我上次St. Adam舊生聚會無話你知？ 」
在二人對話之間，敲門聲又再響起。
「Come in.」
柳應廷推門而進，向老闆和姜濤點了點頭，「呂生，interview 嘅人黎左， 呢d 係履歴表。」
呂爵安接過，指尖撥動，向紙張快速掃覽，動作忽爾停頓，不動聲色的屏住呼吸，抬眼往姜濤臉上一瞧，逗留兩秒，腦筋一轉，對柳應廷說：「Jer, 我想見呢個candidate 先。。叫佢而家入黎。」
「知道。」柳應廷乖巧領命。
「姜濤我地講到邊。。 吖～係。。 果陣收購未完成，商業秘密唔講得， sorry。。」呂爵安把擱下之話題重新接上。
「明白嘅。。」姜濤低頭回應。
「呢度有你呢個熟人， 唔錯吖。。」勾起嘴角，深不見底的黑瞳卻沒帶半分笑意。
敲門聲又一次響起，柳應廷把老闆點名的應徵者帶上，隨即告退。
踏進辦公室，彎彎眉眼首先對上姜濤目光，未察覺到他的焦慮，點頭，微微一笑，再把注視移到背向光線的大班椅上，半瞇着眼聚焦，笑容頃刻凝住，繼而收起。
姜濤在旁觀察着二人目光交碰之微細表情，和想像中不一樣，他們都非常冷靜。
而呂爵安亦已審視過兩人剛才之交流，故意把情緒都謹慎鎖好，心中亦有定數， 「姜濤你出去先， 遲d 要問關於你部門嘅野，我會搵你。」
「知道。」以餘光一瞥盧瀚霆，便提步往門外走。
倒抽一口氣，盧瀚霆木無表情，慢慢走近面見者。
「坐低。」命令式說話讓人透不過氣。
拿起應徵者的履歴表，冰一般的語調，「喺美國讀書。。 U of Michigan, 無畢業。」
盧瀚霆直勾勾的看進這雙既熟悉又陌生的眸子，才發現春去秋來幾多度，當天的憤恨或多或少猶在，「係。」
「點解？」似是質問的一句。
「屋企有d 事， year 3 返左香港。」如實陳述，彷彿在轉載別人的故事一樣，這是他的自我保護機制。
「喺細公司做左幾年，咁難得去左做怡和 director 個PA, 點解做2個月就走？做唔掂呀？」語態輕蔑得可以。
於審訊室的氛圍下，臭臉色經已無法再掩藏下去，差一點，差一點就要發爛，最後只瞪起眼睛，以不耐煩尾音撒野：「同公司culture 唔夾囉。。」
「咁我點知你會唔會做做下又話唔夾，無啦啦又辭職？」呂爵安繼續咄咄逼人，就想看看他有甚麼反應。
「得架喇， 明架喇。」凜然站起，準備轉身就走。
換作是以前的盧瀚霆，或會把椅子都砸到桌子上，這樣和平的離開，讓呂爵安甚感意外，雙手按住桌面，「喂～ 你去邊呀？我請你，幾時可以返工？」
「唔好意思喎，我而家唔take 你個offer.」懶理身後人，繼續步向出口。
「 多50%人工。」呂爵安一貫的氣勢凌人。
本執意離去的人緊緊握住門柄，一動不動的站在原地。
這是一場沒把握的拍賣，縱使沒有競投對手，可賣家的底價是個問號，大班椅上的冷面提高聲線：「100%」
缺錢之人哪有考量骨氣的資格，盧瀚霆在這些年來，早已完美體驗到人窮志短的奧義真理，「Deal~ 聽日返工。」
還準備把數目跳升上去，才區區一倍薪金就能把人留下，那是呂爵安始料不及的事，不禁疑惑，過去幾年他都是怎樣過，又是甚麼磨平了他的桀驁不馴，然而最耐人尋味的是，自己為何會聘用這個與他有着這麼一段過去的人。
目送着盧瀚霆離開，門關上的一剎那，隨即給柳應廷撥號。
「Jer, 我請左啱啱 interview 果個 Anson, 人工double, 幫我draft contract.」
「In 一個就請？唔壓價仲Double 人工？？佢好出色架咩？」
「有d 野的確幾出色嘅。」趣味盎然地舔舔嘴角。
「嘩～～咁佢人工咪仲高過我？！」
「你靜d 得唔得呀？喺房都聽到你喺出面嗌呀。仲有，幫我搵私家偵探check 下 Anson Lo, 我要知道佢離開左加拿大St. Adam's School 之後發生左咩事。 」
對老闆的倒行逆思感到費解， 「唔係應該background check左先請架咩？」
「叫你做就做啦。」
~~~~
TBC