Work Text:
出發前的那天，呂爵安突然把盧瀚霆叫來了家中。
「做咩呀？去嗰幾日咁快就唔捨得我喇？」盧瀚霆取笑著說。
後來才知道呂大少爺今次雖然有服裝贊助不用為自己的服飾憂心，卻需要家庭私人服裝顧問幫忙一下他人生中最重要的兩個女人。
「佢地話唔知帶乜衫唔識襯喎，咁我邊識女人衫啫。」最懂得在適合的時候撒嬌的人把他牽到混亂的客廳中。
「Anson哥哥嚟到就放心喇！阿哥啲眼光一啲都信唔過，都唔知點解咁都有機會去到巴黎Fashion Week!」妹妹最喜歡見到不論鏡頭前或來到家中，都打扮時尚一點不馬虎的大哥哥。
「咁多嗲！唔係因為我你哋邊有得去！」盧瀚霆噗哧一笑，他其實蠻享受這種呂家獨有的歡樂氛圍，跟自己家裡的又有一點不一樣，他感恩呂家大小也開始把他當大兒子看待了。
替呂媽媽和小如配搭好幾套服裝，更帶來了自己品牌中一些比較容易用得上的，當她們還埋頭在一片衣物和行李箱的忙亂收拾中，便被男友摟著用奇怪的藉口帶進房間。
「死啦，開始緊張添！我驚到時完全唔識擺pose硬哂咁！撈，你咁叻，快啲速成教我擺pose啦！」
「我平時都有教你㗎！自然啲就得㗎喇！你平時拍嘢咁chok唔駛擔心啦，有pinky佢哋喺度一定影得你靚仔喎！」知道平時看似囂張自信滿滿的男友其實心中也有膽怯的小角落，雙手環在他肩膀柔柔的吻在略帶冰涼的唇上，同時也眷戀著眼前這不夠24小時就要被7小時時差相隔的人。
他們倒在床上聊著這幾天他們各自將要面對的新挑戰，盧瀚霆也同樣為著自己過幾天要發佈的歌曲有一點忐忑不安，雖然呂爵安在錄音和拍攝MV的期間也一直鼓勵著他，一次又一次的為他理性分析做好了心理建設，他仍然會害怕每次的新作品成為討論的焦點。
「唔駛理人點諗喎，你自己做到最好就得啦！我真係覺得你今次好叻，段rap都唔知幾正呀！ Proud of you!」
被小男友的港式英文發音萌到不禁發笑起來，不過覺得這不是打擊他自尊心的時候，不知怎的卻突然變得感性起來，「我都係。」
「嗯？」
「Proud of you!」盧瀚霆輕輕説出的這一句是真心話，幾年前的他們怎麼能夠想像呂爵安會是隊中第一個被邀請去參加Fashion Week的，盧瀚霆既是羨慕更多的是為他感到自豪。他終於被看見了，不單是對他外型魅力和才幹上的一個肯定，也證明了這一切他都值得。
「下次一齊去，攜眷出席。」
「痴線！眷你個頭！」
「你唔想咩？咁下次寫Mr.E+1好冇？」
「呂爵安！你唔好再搞爛gag喇！ 」狠狠的一拳落在呂爵安的胸膛上。
「咁我咁大個仔第一次去歐洲仲係咁大場面，緊張㗎嘛！BB，你點幫我消除緊張呀？」不安份的手已經沿著腰間亂摸，「預支定生日禮物得唔得呀？」
「咸濕仔！」始料不及的盧瀚霆被逗得臉紅耳赤。
「今晚到我教你擺個新pose好冇？」
「喂呀！」
*
「撈，你要邊隻色呀？買多件俾你啊！」
「呢件幾靚喎！咁你要咗咩色呀？」
旁邊的經理人翻了個白眼，搞不懂這兩個人就算相隔半個地球也能打破時差的界限，比同在香港時更痴纏，呂爵安不是打來show景點就是美食。
掛斷電話後的盧瀚霆感受到身邊鋒利的目光，吐了吐舌頭，「咁Facetime就係咁用㗎嘛！」
*
「呂爵安，咩巴黎Gang Gang!？你唔好咁無聊好唔好！ 你知唔知呢排會有好多唔識你嘅人睇你IG㗎，下次無品牌敢揾你去Fashion Week呀！」
「咩啫，幾攪笑呀！呢度咁多袋都有你份㗎！你係咪唔要先？」
*
盛大的時裝活動終於結束，呂爵安鬆一口氣看著自己的訪問片段，連用英文講自己生日願望也緊張害羞得口齒不清的，自己也覺得可笑。
「剩係記住啲fashion terms，無諗過會問我生日願望嘛，早知同你練定先啦！」呂爵安以為盧瀚霆一定會乘機取笑他：HKU畢業喎！
「唔係呀，鋼琴王子都好型呀！」有一點答非所問的，原來盧瀚霆剛剛才在被瘋傳的影片中看到呂爵安在三角鋼琴前揮灑自如的彈奏著首本名曲，閃閃發光的不曉得是鎂光燈還是感動得凝在眼眶的淚水，有甚麼比把自己的歌曲帶到這樣的盛事中更值得驕傲。
雖然他們不是每一個工作也能應付得綽綽有餘，卻因著這+1的力量，一步一步的走著。羅浮宮前拉著妹妹一起賣萌跳著可愛熱舞的E先生，「You are the one I want」。
「咁你嘅生日願望係咩？」