Work Text:
這樣的日子，他們還要過多久？
『喂？係咪盧瀚霆？』盧瀚霆就好像沒事人一樣，在半夜凌晨時分接過來電，理所當然的聽着電話另一頭的人對着自己在大吐苦水。
「Jeffrey？你點會用呂爵安電話打俾我？你自己冇電話咩？」
『佢條友仔一野湯左落我部手機到，點打？重點係，你哋地址喺乜？我送佢返嚟你到。』
「你知佢住邊架？」
『最弊嘅係，Edan一聽到我話送佢返屋企，佢就攬住條燈柱唔肯鬆手，係都話要去你到⋯我都係焗住問你架咋！』
「唉⋯我知道啦。你哋兩個係邊？等我一陣，我而家即刻過嚟。」
無視一整天工作過後的不適感，勉力將身體從床上拖起來；將手機接上快充電線，便一邊脱下睡衣，一邊走到廁所，用手將洗手盤裡面冰冷的水接過來拍到臉上，強迫自己極速清醒過來。
不用看鏡子，也清楚看見自己在苦笑⋯沒關係，只要是呂爵安，他真的沒有關係。
發酒瘋的人，在街頭死活不要上計程車的時候，他也只能服軟；在一片混亂之中別過Jeffrey，連拖帶扶的拉著呂爵安走到紅色小巴站，將人艱難的托上車後，盧瀚霆才有了一絲絲喘息的空間。
「我要食甜品呀⋯呀！甜甜好食呀⋯」
傻瓜，夜半三點鐘，哪來的甜品吃？一喝醉就像個小孩子般，磨磨蹭蹭的要甜點⋯這個壞習慣，真讓他受不了。讓盧瀚霆忍不住一臉寵溺的，用巴掌臉回蹭着呂爵安的額頭；看着那一頭倒在自己肩膊上的人，到底甚麼時候這個王八蛋才會主動對他坦誠？難道非得每次喝個爛醉才可以對自己露出真面目嗎？
是的，這種情況已經維持了多年 —— 從大學到現在投身社會工作，兩人都一直以對方的好友身份自居。呂爵安，從沒有對自己越軌；盧瀚霆，也耐心等待兩人感情昇華⋯只是，每次都只換來無窮無盡的失望。
將醉得不醒人事的男人丟到新買的沙發上，感嘆着不知道這次的沙發能扛多久；畢竟這些年來被人睡壞掉的沙發，實在是多得連盧瀚霆自己也數不清。
「呂～爵～安～你到底對我有冇任何嘅感覺？我一直都覺得⋯覺得自己係一個好堅強嘅人，唔認為自己會投入到一段感情。而你，偏偏係你，成為咗我嘅特例⋯但係你又知唔知，再愛，都會有完結嘅一日？我愛你，咁你呢？淨係識得整醉自己先夠薑搵我示弱⋯我就快頂唔順嘅時候，我可能⋯可能就會放棄架啦⋯」再好再親密的感情，那能沒有精細的經營？但是，盧瀚霆這一次，是真的覺得自己在呂爵安面前，已經活得足夠卑微了⋯他，想將這段只有單方面經營的感情，給徹底收官打烊了。
真的盼望着他會對自己承認⋯只是，不免也等得太久了。
一邊説，一邊不停戳著呂爵安的臉。就這樣，蹲在一旁許久的盧瀚霆，竟然就這樣看着睡死死的人説了這麼多的真心話；就連自己的手一直在呂爵安的臉上，不停細細的撫摸着也不自覺。感覺到呂爵安在不斷的用手想抹掉臉上的異物時，盧瀚霆才發現，自己竟然忍不住落下不甘的淚水⋯
一縷陽光落在呂爵安的臉上，渾身酸痛伴隨着酒精導致的偏頭痛，讓逐漸清醒的人痛得直哆嗦；用手支撐着身體慢慢坐起身來，才看清自己身處的地方⋯他不禁掩面失笑，原來自己又一次被盧瀚霆撿了回家。
這樣説，昨晚朦朧間的⋯全都不是夢。
站起來，熟悉的地方令呂爵安整個人都放鬆不少；先走到書房的小藥箱取兩粒止痛藥，再走到睡房的衣櫃角落找一套他之前留下來的替換衣物，便走到浴室裡洗趟醒神澡。呂爵安不免心疼著盧瀚霆這個小傻瓜，只是為了避免他酒醒過來找不到日常用品，多年以來都沒有改動過家中的置物位置。
不過也許是自己多心了⋯
呂爵安一直以來都總忽略盧瀚霆對他的感情。就算自己也開始對他生出異樣的情感，也一直狠狠的將真實感覺壓到心底深處，因為呂爵安深知，自己還沒有足夠強的能力，去建構一條屬於兩人的路，也沒有足夠的信心自己能給予盧瀚霆幸福。
説他聰明呢，也是；説他笨呀，也是。
高材生的資本讓他在學業上無往而不利，能學知識，也學厚黑；但是偏偏學校卻沒有一個學科叫『愛情』，如果能有人教教他，或許他也能知道該怎麼做。但是⋯他也知道自己欠盧瀚霆的一輩子都還不了，只盼着他能再等等自己，時機成熟的時候，他發誓絕對不會再辜負他一星半點。
看到飯桌上的小紙條，寫著：『記住食完早餐先走，霆。』忍不住露出溫柔至極的微笑⋯呂爵安下意識的走到廚房一看，陶瓷小煲裡的白粥還是暖暖的，證明是今早新鮮熱辣出爐的。
盧瀚霆就是這樣；不爭不吵，卻總是將呂爵安的感受放第一位。大學的時候，明明兩人都喜歡著對方，卻因為盧瀚霆一句『你係我邊個？』便負氣答應了前女友的告白，也是因為一句『我對你係點你真係唔知？』便用盡所有方法和前女友和平分手。看似是小心機的行為，事實上，是因為前女友背着呂爵安和別的男人，挽著腰走進宿舍房間的時候，不小心被盧瀚霆撞見。
『⋯你信唔信我？』盧瀚靈式靈魂銬問。
『信，我信你。』呂爵安式標準答案。
自這次以後，呂爵安便一直維持單身狀態；即使盧瀚霆也是一樣；兩人就這樣一直互相糾纏，多年以來也沒有誰能打破僵局。
啊，總算是想起來了！
從回憶中突然回到現實的人，拿起手機，快速按下通話紀錄。
『喂！你成朝去左邊呀老細⋯』
「Jeffrey，幫我推埋下晝啲meeting，我下個禮拜都唔返嚟，如果啲客問起，你就話我有急事⋯」
『因為Anson？』
這傢伙明著擺自己一道。
呂爵安故意不回答，反過來提醒他還有更重要的事情。
「⋯我叫你做嘅嘢，你已經做好？」
『哎⋯未。不過我淨係搵到貴飛，你⋯』
「幾錢都俾。」
『收到！今晚我拎左飛之後，照舊放入信箱？』
「嗯。小心啲，記得一定要係佢返到屋企之前搞掂。」
盧瀚霆今天實在是累，昨天的活變相令他沒有怎麼睡過，關上大門便靠着門跌坐地上；看着手上拿着的演唱會門票，又是非常靠前的位置⋯一定花費不少。呂爵安果然沒有忘記曾經的承諾。
『有咩事你開句聲，我幫到手嘅一定會幫。』
『唔～諗下先⋯我想去睇演唱會啊！』
『簡單啦～嗰隊女團呀嘛，包係我身上！一張好易搵⋯』
『我想你陪我一齊去！哎⋯我意思係⋯以後所有演唱會，我都想你陪我一齊睇⋯』
『好，我陪你。』
只要是盧瀚霆希望的，呂爵安都一定會滿足他；比如，永遠陪着他。
一如既往，演唱會當天盧瀚霆已經提前請假，然後呂爵安自然的便會準時出現在他家樓下。但今天好像有點不一樣⋯他的秘書代替了原來呂爵安的位置 —— 因為呂爵安臨時有工作，不能出席了。把電話掛掉以後，心頭好像穿了一個很大的洞；不是因為呂爵安失約，而是因為盧瀚霆好像，不怎麼為此感到失望。
難道，真的到了要放手的時候？
稍稍收拾心情，便到自家樓下會合已經等候著自己的秘書先生，盧瀚霆想也不用想便徑直打開車門，坐到副駕駛的位置。
「Anson！嘩嗚你嚇死人咩你，聲都唔聲架⋯」
「⋯呂爵安佢今晚收幾點？」
「哎⋯應該好夜收。不過佢話過你可以隨時打俾佢，佢一定會聽。」
「嗯⋯你開車啦，我哋就嚟遲到啦。」
整晚盧瀚霆都心不在焉。
就算能夠坐到十分滿意的位置，盧瀚霆也開心不起來，畢竟他最想要見的人並沒有在。直到演唱會尾聲，突然之間有兩位自稱後台工作人員的人將他邀請至後台休息室。
面對於這個有點唐突的要求，盧瀚霆回頭看著秘書道：「Jeffrey呀，我⋯咁⋯你⋯」「Anson你放心啦，我係外面等你，有咩就call我啦。」「嗯，咁一陣見！」幾乎就在人離開的一瞬間，魏浚笙便立馬撥通自家老闆的電話，告知呂爵安，現在盧瀚霆已經在步往後台的途中了。
『大佬，Anson佢成場show淨係望住地下咁滯，傻嘅都睇得出佢唔開心啦⋯你條橋係咪work架？』
「Jeffrey，你呀哥我未使你擔心住。你擺低架車係度，放工啦⋯順便，幫我同呀爸呀媽講聲我今晚唔返屋企瞓。」
『得啦～你加油啦，我等你帶呀嫂返嚟架啦！』這小子，讓他來公司實習不過幾年，現在已經懂得開口就是一通彩虹屁，和小時候剛到呂家的感覺簡直判若兩人⋯哎，算了！回家才好好教訓他。
「盧先生，你係呢間房休息下先，一陣間會有同事帶你去見Artist架啦！」
「好⋯麻煩晒。」
盧瀚霆本來就已經沒有心思去看演唱會，更遑論得到有近距離接觸偶像們的機會；思來想去也想不到誰會幫忙安排一切，也不是沒有想過會是⋯但，不可能。那個男人才不會花時間花心思在他的身上，一定是自己走了狗屎運吧⋯一定是！
這段時間，除了工作人員隔三岔五過來看看他，也沒有別的東西；不知不覺也已經在房裡呆了兩、三個小時，實在悶的緊便拿起背包想往外走，手還沒有碰到門便被某人打開：「盧生，咦攞好袋啦？咁啱啦，前台已經清場完畢，麻煩你跟一跟我出去。」整個場館都烏漆墨黑，黑到要工作人員用手電筒替盧瀚霆帶路才能順利走到舞台前的位置。
現在整個場館裡頭只有盧瀚霆自己一個，四周都安靜異常，靜得他都聽到自己心臟瘋狂跳動所致的咚咚聲。
突然，台上的大屏幕開始播放一段無聲的片段，全是由相片拼湊而成的幻燈片；兩人第一次相遇、第一次約會、第一次吵架、第一次慶祝⋯然後重新回歸黑暗。
再亮起，就看見呂爵安正襟危坐在鏡頭面前，他那尷尬的樣子，令盧瀚霆直發笑，都快要忘記應該要驚訝起來。
『我應承你，
我會好好陪你，
我會好好氹你，
我會好好護你，
我會好好抱你，
我會好好錫你，
我會好好愛你。
你成日同我講話，
你唔信呢個世界會有真正嘅愛，
因為，你嘅愛從來冇得到回應。
我知道我好自私，
但係我冇辦法放棄你，
所以無論你有乜嘢要求，
只要我做得到，我一定會做。
你係咪想唔要我啦？
我明白，
我嘅『無回應』已經成為咗你嘅日常，
但係，我請求你，
俾我再自私最後一次，好冇？
我愛你，盧瀚霆。
所以，我希望你知道你絕對係被愛嗰個。
呢幾年嚟，
我好努力用我嘅真誠去打動我嘅家人，
希望佢哋可以承認你，
承認我呢一生一世只會認定你，
承認我嘅終生伴侶只有你。
你，盧瀚霆，
唔止係我嘅好朋友，
仲係我嘅靈魂伴侶，
係我深愛嘅人，
並且係未來，我許願，
你能夠成為我嘅家人。
而今時今日，我終於做到啦！
我唔係想將一路以嚟對你嘅傷害抹乾抹淨，
一直以嚟，我嘅認知入面，
我絕唔容許有任何除我以外嘅人傷害你，
雖然咁講好奇怪，但的確係我嘅目標。
⋯呼～好啦，
你而家應該知道演唱會只係過場，
真正嘅舞台，而家先正式開始！』
賤人！甚麼只許他欺負自己？會不會太霸道了呀⋯
『瀚霆呀，我係爵安媽咪呀⋯多啲拉爵安返屋企食飯！見佢係順便，媽咪想多啲同你傾下計就真⋯』
『Anson你唔使俾面Uncle架！如果爵安掛住做嘢冷落你，又或者有咩對你唔住嘅，記住一定要話比Uncle知，我一定唔會放過佢⋯』
『Anson哥，我唔止係呀哥嘅秘書，我仲係佢細佬！唔使太驚訝喎，到你第時同大佬結咗婚，你仲有大把野要驚訝呀⋯想知？呀嫂你自己問呀哥啦哈哈哈⋯』
看到這邊，盧瀚霆已經哭了又笑，笑了又哭，眼睛都要哭腫了，連忙用手簡單擦一擦臉；就在擦眼淚的瞬間，場館的燈光突然之間全部亮了起來，一時間眼睛沒有適應過來，就甚麼都看不清楚⋯到了看得見的時候，已經看見西裝革履的呂爵安，一副帥氣十足的模樣，從台上走下來，手裡拿著一個小小的盒子，走到他的面前單膝跪下。
「BULGARI？你做乜嘢？」
「冇啊，你唔係一直話想要呢個牌子嘅戒指咩？我而家就將佢送到你面前。」
「就係咁？」
「唔係，我仲想用佢嚟將你變成我嘅人。」
「⋯我⋯你就想！你⋯你以為⋯咁就得⋯架啦吓⋯嗚⋯你都⋯你都夠仆街架啦⋯我⋯我唔會⋯唔會原諒你架⋯」
「係，我錯，我壞，我抵鬧，我賤，我仆街⋯」
「夠⋯夠啦⋯只有我⋯先可以鬧⋯你收皮啦！」
呂爵安站起來，將面前哭得稀里嘩啦的人抱進懷裡，一邊苦笑、一邊輕掃盧瀚霆背脊，幫忙舒緩著他的情緒。
「霆，你唔好打烊啦，好唔好？你願唔願意一直一直咁經營爵安同霆霆嘅家，繼續做呢個家嘅主人？」
「吓？咩打烊⋯哦！你原來聽到晒？喂阿你⋯我唔應承！你搵過第二個嚟經營啦！」説著便作勢離開，果然呂爵安急了，連忙道：「唔係呀！我⋯我都只係咁啱酒醒，點知唔小心就聽到你講嘢所有野，仲食咗你幾滴眼淚，我知錯架啦！」
盧瀚霆連忙回過頭來，忍不住偷偷的笑了⋯甚麼嘛，原來他真的聽到了。
謝謝那個難得崩潰的自己。
「求婚咁求架咩？冇啲誠意⋯唔得，你再求過啦！」盧瀚霆説罷便大步離開。
「喂阿你等埋我啦⋯」呂爵安只想著回家教訓那個亂教自己的好弟弟。
如果呂爵安看到盧瀚霆笑得如此這般，一定會後悔求婚吧！
不過，只此一次；
為了你，我決定永不打烊。
END.