Work Text:
最近，網上很流行一張圖，「轉發這隻幸運貓，立即會有好運發生！」
「哇，呂爵安你睇下呢個！Ian比佢啲Fan屎整咗隻好運貓出嚟呀！你覺唔覺得整咗貓耳之後佢Q咗好多呀？Q到我有啲想養佢呀！」盧瀚霆望著手機佢的貼文，靠近了呂爵安。
你話邊個Q話？明明就爵安Q啲...唔得！我都要整返張去吸引霆霆！如果轉發完真係會有好運，咁咪有機會溝到霆霆？呢個咁好嘅機會，我一定唔會放過！
「如果呀撈你變做貓嘅話都好得意架！」
「邊會呀！我28歲啦！我好強架！」話雖如此，盧瀚霆還是給了呂爵安幾下貓貓拳。
呂爵安馬上拿起手機，點開修圖軟件，不一會，一張「轉發爵安喵」的圖便製作完成了。呂爵安連忙發圖到小號，然後再用主號@/edanlui轉發假裝是爵屎幫忙製作，再展示給盧瀚霆看。
「撈！你睇下！我都有啊！爵安係咪好Q呀？」
無可厚非，盧瀚霆看完之後是有覺得那麼一點點的可愛，但他選擇了把讚美的說話藏在心底裏。
「車...咪同平時一樣？」盧瀚霆默默哋把畫面截圖
「覺得一樣又Cap圖？係咪覺得我太可愛唔敢認呀，嗯？」呂爵安彷彿把世事看透了，他也很喜歡這樣傲驕的盧瀚霆。
「好啦你哋，差唔多埋位啦！」救星出現了，花姐進入了休息室告訴他們倆是時候要繼續工作了。
「行啦Edan！」
「...」
「呂爵安？」
「...哦！」
轉發「好運喵」...不如真係試下佢？
轉眼間，時間來到夜晚。這晚，呂爵安約了盧瀚霆到一間日本菜館吃晚飯。
我記得盧瀚霆說過如果要試探對方是否喜歡你，就增加一些身體接觸，我也有做到呀，他也沒有特別的拒絕...應該能行吧...可是，他和其他mirror成員也會這樣打打鬧鬧呀...
「呂爵安，今餐我要食四碗飯！呢到啲日本米真係好好食！」
「以後煲多啲日本米比你食好冇？」
「好呀！Love you！」
「呀撈...你知唔知唔可以隨便同人講love you架...」
我會誤會架...
「嗯？」
人生只有一次，為何不為自己而活？死就死！
「其實...我鍾意你！」
「我都鍾意你呀。」
「唔係朋友嗰種鍾意，我想你做我男朋友呀！」
「吓？」
盧瀚霆沉默了，他以為呂爵安對他沒有任何感覺，還打算把這份感情藏在心裡一輩子，豈知呂爵安突然向他表白了。這個可愛的人兒還未process到現在發生的事。
「我都係想勇敢試一次咋，你當我冇講過啦！我哋可以做返朋友架。」
盧瀚霆終於成功解讀到現狀：他要獲得一個男朋友了
「我哋做唔返朋友架啦。你講過嘅嘢，要算數喎，男朋友，嘻～」
呂爵安害羞了。自稱面皮極厚的呂爵安臉紅了。他激動得馬上抓起盧瀚霆的手，緊緊牽著他。
「喂！仲喺出面架！」
「嘻～好鐘意你。」
「嗯，我都係。」
呂爵安默默地把盧瀚霆的聯絡人名稱又「Ansonlo」改成「寶貝霆」。
轉發這隻「爵安喵」，你或能收穫一段甜甜的愛情。