Work Text:
「我鍾意你呀...你可唔可以做我男朋友呀！」
心臟快要負荷不了這種緊張感，你卻不可能聽到這噗通噗通的聲音。
「......」
死得啦其實佢係咪唔鍾意我呀？定係根本唔明我講緊咩呀？唉...
「講...講笑咋！呢個係練習！」
「練習？」呂爵安終於開口。
「我遲啲想同我暗戀嘅人表白呀，但我又太緊張，你可唔可以做我嘅練習對象呀？」
「下？哦。好啦。」
「嘻，多謝呂爵安～」
唉...如果我唔係鍾意佢，我先唔會應承呢啲麻煩嘢呀...鬼叫我鍾意佢咩
「老實講...你唔係當真呀嘛？」
呂爵安臉紅了，他靠近盧瀚霆的臉看了一會，直到盧瀚霆再次開口
「係咪好型先，係咪好心動先…喂呀！唔好用咁嘅表情望我啦！」
「係呀！真係好心動...玩嘢咋！爵爺我點會心動呀？」
好心動好心動好心動，以為係真嘅添...算啦，我點會唔支持你呀...難得暗戀人喎。
「搞錯呀...明明我咁型，咁都唔心動？唉，好啦～返屋企囉～」
「噢！係喎！我鍾意你呀！」
「下？咁突然架咩？」
咁樣我會心臟病發架喎...
「係呀～就係咁Random！」
點解我會鍾意呂爵安架呢...
—小時候—
「盧瀚霆鍾意粉紅色！女仔先鍾意粉紅色架！我哋唔好同盧瀚霆玩！」
「唔好唔同我玩啦...嗚」
「喂！你哋！盧瀚霆鍾意咩色關你咩事呀？霆霆，唔好理呢啲人！我咪係你朋友囉！」
「嗚...呂爵安唔會唔理我？永遠都係朋友？」
「嗯！永遠！」
—回憶結束—
回想起來，初時對呂爵安只是仰慕，但後來漸漸地多了喜歡。
呂爵安打開花灑，試圖用冷水使自己冷靜些，但今天發生的資訊量令他不能消化。
呀撈無啦啦同我表白，然後又話係練嘅，即係佢已經有鍾意嘅人，但又同我講喎，呀！好煩呀！
Whatsapp：
呀撈：如果，我之後有男朋友，你會唔會疏遠我架？（23：07）
原來係男仔...
心裏想說的話打了又刪，最後還是說出了違心的話。
呂爵安：唔會！我會支持你！我哋永遠都係朋友黎架嘛！（23：21）
把信息發送後，一根刺刺進了呂爵安的心。
如果我可以灑脫啲就好啦。
呀撈：Love you喔～（23：22）
呂爵安：仲講...溫書啦！聽日有test呀！你唔係唔記得咗呀嘛？溫完早啲訓啦
呀撈：嘻...唔記得咗，好啦講定goodnight先啦～
唉，呢隻傻撈，冇記性。
今晚，兩人注定徹夜難眠。
次日的小測，兩人都失準了，原因他們應該都心知肚明吧。
時間過得很快，一星期過去了。
Whatsapp：
呀撈：今日放學之後係課室不見不散。
呂爵安：好。
過咗今日，呀撈可能就會有男朋友啦...
我可唔可以做一次壞人，希望佢表白失敗...唔得！咁樣點對得住佢呀！應承咗人地架嘛呂爵安！你真係好垃圾呀！
「呂爵安，我由好耐以前開始已經好鍾意你，你可唔可以做我男朋友呀？」
呢個係我練習完嘅成果呀，呂爵安。你可唔可以應承我呀？
「嗯，冇問題架啦，陣間真正嘅表白加油呀，我走先啦。」
「下？......唔係咁架。」
盧瀚霆跩住了呂爵安的襯衫，希望他不要離去。
「對唔住呀…我…講左大話。我鍾意嘅係你呀。呂爵安，我真係由好耐以前開始已經好鍾意你架啦。」
原來呀撈鍾意嘅係我？
呂爵安呆住了。
「.....咁....多多指教啦...男朋友～」
盧瀚霆馬上上前緊緊地擁抱住呂爵安，眼淚決堤了。
「嗚....太好啦...多謝你，呂爵安。」
「唔好喊啦，傻霆霆。」
心臟噗通噗通的聲音，此刻卻很想樣你聽到。