Chapter Text
《初見》
原本坐在樹蔭下的呂爵安被突如襲擊的籃球擲地聲嚇倒，抬眼望起站在燦烈陽光下的人。
「一齊打波？」
「我唔識。」
「教你就識，come on!」
這是呂爵安除了閱讀外，在孤兒院的第一個活動。
那天，盧瀚霆教曉了呂爵安打籃球。
《情信》
「唔好意思，請問可唔可以幫我將封信交俾呂爵安？」
盧瀚霆皺起眉頭，一臉不願「唔可以。」
「你同佢唔係friend 咩？」女生料不到眼前相貌堂堂，温文的男生會拒絕自己。
「傻咗咩？你叫個浩瀚集團太子做嘢？！」另一個女生插話。
愕然的女生怎可能不知道浩瀚集團，有感自己失禮「唔好意思。」
盧瀚霆揚手撫平左側頭髮，一臉不屑地瞟望女生，無聲地踏進班房。
「點解啲女係溝你唔係溝我？」
在喝汽水的呂爵安被話嗆到，咳了幾聲「你講咩呀？」
「好歹我都靚仔，點解啲女個個都鍾意你？」全部當我死㗎？
呂爵安聳聳肩「你試下唔好咁串，個樣唔好咁西，應該會好少少。」好彩係溝我，唔係溝你。
「我呢啲叫串？送情信都冇膽，抵佢溝唔到你！」盧瀚霆翹起二郎腿，噘著嘴吶嚷。
「咁送情信俾你，你係咪受？」呂爵安抬起眼鏡，一臉乖巧的眼神像小奶狗望住盧大少。
大少被盯得赧顏，慣性地抬手撫摸頭髮「你都黐線。」
《想見你》
在海外名牌大學攻讀MBA的盧瀚霆，被考試及論文搞得喘不過氣來，打了電話給呂爵安，連珠爆發地狂飆髒話，以解多日來的壓力。
然而，呂爵安平心傾聽一把低沉卻悅耳的聲音，臉上更掛起令人神魂的笑容。
由何時開始連他的髒話都覺得動人？
「做咩依家咁多粗口？」
「好撚多嘢做呀，又呢又路，想食個飯都冇時間，屌！」
「你唔開心會自己煮飯，試下煮飯？」
我頂你個肺！我煮飯因為有你同我食呀！
盧瀚霆內心吶喊，莫名加重了心中怒氣「冇嘢喇！係咁啦！」
再見都未說，電話已經響起切線音，呂爵安只好無奈按下掛線鍵。
翌朝，盧瀚霆頂住一雙浮腫的眼珠子，向按門鈴的人說了幾句夾雜問候老母的早晨後，才驚醒來人是誰。
「呂爵安？！」
「睇黎你真係好大壓力，講早晨都可以屌人。」
「點解你喺到？」這𥚃是美國呀！不是過海的港島！怎麼話來就來？
「嚟食你煮嘅飯，你係咪會開心啲？」
四目交投，呂爵安好似見到盧瀚霆滾動的水靈眸子牽起多少情愫。
把心一橫。
「同埋，想見你。」
《拒絕》
「呂爵安，你依家算點？」
青澀褪袪，換來成熟持重的氣場，已身為浩瀚集團主席的盧瀚霆，面朝落地玻璃窗，俯瞰整個香江城，向著站在背後的呂爵安問。
大地在我腳下又如何，就連喜歡一個人都不能言明。
呂爵安嘆下一口氣，張開拇指和中指扶托眼鏡兩側「咁契爺想你去相睇吖嘛。」
「你又唔係爺爺秘書，駛乜應承佢啫？」
「作為你秘書，我有責任幫你處理任何事，」呂爵安踏步向前，跨過黑檀木書桌，欺身上前，圈住戀人的纖腰「作為你男朋友，我有責任幫你拒絕所有你嘅相睇對象。」
「即係點？」盧瀚霆轉身，面對着自家男朋友。
「我代你去相睇，同你拒絕。」
「你想激死爺爺！」盧總面上卻揚起與語句不乎的笑容。
「頭先契爺問我哋係咪一齊嘅時候，我真係想答佢！」呂爵安親了誘人的紅唇，品嚐今天的小糖果。
盧總環上呂秘書脖項「答咩？答佢你搞咗佢個孫？」
「係呀，依家就搞。」呂秘書移手到一對彈性十足的蜜臀。
嗯？冇著底褲？
盧瀚霆躍起雙腿，纏住呂爵安腰身，讓人紮實地抱住自己，摘下男人礙事的眼鏡，把香唇湊上去。
一室腥甜。
完。