Work Text:
「Hi～我叫江𤒹生，一間動物園既園長。係，你冇聽錯，係動物園。
說來話長，真係講十萬句都講唔完，大概就係我曾經救過一個老伯，然後佢要退休就將佢個私人動物園交左俾我。
依個動物園得11隻動物，照顧上都算輕鬆啦，因為本身都已經有一班飼養員，我係間中落手客串下同處理事務。
但講起都覺得奇怪，啲動物隻隻都好似人一樣咁有靈性，我有時瞓唔夠仲會出現幻覺，見到佢哋變成人！
尤其Zone B嗰隻樹熊啊，成日覺得佢𥄫我，睇到人心寒嗰隻。有時見佢人型咁坐喺樹上面，腳fing fing咁睇住我掃地，行埋去望又冇野喎。
然後佢隔離住左隻短尾矮袋鼠就成日傻笑，我開頭以為係佢哋本身個樣係咁啦，但唔係呀！佢係對住隻雀先笑得咁鳩！成個傻⋯⋯都係唔講喇，講番隻樹熊。
有次我醒啊，走去睇實個閉路搏佢變人，點知睇左成個禮拜都冇料到。有次我終於揭發左佢係樹熊精既事，你估下我點知啊？哈，就係我喺某一次入去派葉嗰陣時直接走去問佢其實係咪人扮既，佢居然真係開口答我係啊！癲架真係！！！」
「夠鐘開飯喇～樹熊仔你喺邊啊～」江𤒹生扯開嗓門往園林大叫。
就在回復寧靜後的片刻，就見一隻比普通樹熊稍壯的樹熊從樹上緩緩爬下來。
「你終於黎喇？」江𤒹生一臉笑容，樹熊當然並沒有表情甚至回應。
「我都知你會唔應我架喇，不過我唔理。依家我問你，你係咪人扮既？！」江𤒹生頓足擺好架勢，伸手指著眼前毫無表情的樹熊。
「⋯⋯ 」
「⋯⋯」兩人對視良久，尤如靜止畫面。
「咪就係囉！都話錯覺啦～邊會係人」江𤒹生的緊張感隨即消散
「都冇錯啊，我係樹熊，但不過都係人」一把溫厚男聲從樹熊口中發出。
「啊！！！！救命啊～～」江𤒹生聽見後撒腿便跑，直至離開園區。
目送江𤒹生遠去的樹熊拿著尤加利葉喃喃自語「嘖，明明係你自己問我先既，又要聽又要驚。」
江𤒹生驚魂未定，接下來的一整個下午都坐在辦公室裏頭發呆。
「我覺得我尋晚真係瞓得唔好搞到幻覺」
嗯⋯⋯ 不願相信的少年一時之間的確有點難接受如此荒誕的事。罷了，反正這人打從遇見老伯開始就注定要面對命運的紅線牽引。
往後幾天江𤒹生都刻意避開樹熊，襯他熟睡或躲藏起來才出現，但也只是匆匆放下食糧便馬上離去。
-
自從上一次開口說話嚇跑了江𤒹生，樹熊納悶了好幾天。只見對方還是與自己維持你躲我藏的狀態，消失了足足一星期，終於失去耐性，化成人型走到辦公室尋人。
樹熊見叩門不果，便繞到後門想要企圖開鎖，誰知道踫巧遇上打算從後門偷走的江𤒹生。
「屌！」一拉開門就看到人型樹熊的江𤒹生被嚇得破口大罵，飛快地閉門之際發出一聲爆破般巨響，正是樹熊先生一掌擋在門上阻止江𤒹生關門所引起的。
「痴線架你？！有冇咁大力啊？」抵抗不了如有神力的樹熊，也只好放棄爭扎。只見成功闖入的樹熊扁起嘴，鼓起兩腮，緊盯著自己卻沒有說話。
「我知你識講嘢既，冇諗到仲真係會變妖精咁啫」江𤒹生定驚後才細細端詳眼前的人，高大且長得一副斯文相，五官算是眉清目秀，就是現今少女都喜歡的文青少年⋯⋯就是力度大得可怕，還有頭上多了一雙樹熊的毛茸茸灰耳朵，感覺上應該很柔順，不禁令他想揉捏一下。
「係樹。熊。」
「okok，樹熊先生，你到底咁誇張要爆門入嚟做乜呢？」
「我有名，叫陳卓賢」還在賭氣的樹熊以為現在的自己很兇悍，可惜看在江𤒹生眼中只是奶兇的小可愛。
「得得得，咁陳卓賢先生，請問你係咪要搵我？」
「你做乜冇黎成個禮拜？」陳卓賢故意說話不帶尾調，壓低聲線裝起生氣的樣子想嚇唬江𤒹生，但這不過是自我感覺良好的錯覺。
他大概沒想過從江𤒹生所看來根本完全不同，只是大寶寶在鬧別扭非得要人家哄好的程度，還配上動物耳朵更是可愛。
「你用樹熊樣同我講嘢喎，做戲咁做咩，係咪都要啲時間冷靜下？」
「今日第八日」陳卓賢繼續板起面孔。
這般記憶力倒是讓江𤒹生有點哭笑不得，強忍著大笑的衝動繼續配合陳卓賢。
「咁我依家同你一齊行番去好冇？夠鐘派飯」
「嗯，但我未嬲完」
「哈哈！你想我點賠罪呢陳仔？咁叫你夠唔夠親切？」江𤒹生終究還是忍不住笑起來。
「都幾好，你對其他人都咁樣改花名架？」江𤒹生挑一下眉，看來這樹熊不但有點別扭，還有點醋勁。
「唔係架～見係你咋」這句說話終於把陳卓賢逗笑了。
今天江𤒹生學懂了『寧得罪小人莫得罪樹熊』。
-
上次揭發了陳卓賢是可以人型與獸態互替變換的樹熊之後，江𤒹生間中便會找他幫忙了解其他動物的生活習慣與心情，好等自己對牠們的照顧可以安排得更好。陳卓賢跟著江𤒹生工作的日子久了也當起了稱職的「動物傳心師」兼園長助理。
「江𤒹生，我想講樣野你知啊，但你應承我唔好激動，唔好又走佬喎？」
「咁凝重既？仲要嗌全名」
「你應承我先啦」陳卓賢緊捉住江𤒹生的手，生怕他下一秒拔腿就跑。
「好，我唔走」江𤒹生現在已不抗拒與陳卓賢接觸，最近還有點喜歡這種小親密。
「其實呢⋯⋯依度全部動物都會變人」陳卓賢帶點怯意說出口，手捉得江𤒹生更緊。倒是江𤒹生的反應讓他感到意外，沒有嚇暈也沒有驚訝。
「哦～我大概都估到啊，上次我漏左兩個桶喺隔離園區想拎翻嗰陣時，見到隻老虎化成人型幫我搬翻入去室內」
「乜原來你已經見過Tiger喇？你冇話我知既？」樹熊耳動了動，嘴角開始向下彎。江𤒹生對陳卓賢的表情與表達方式可說是熟悉不少，一看就知道這是要不滿了。
「我費事你擔心咋，其實我都習慣咗」江𤒹生在遇上陳卓賢後的確對此事冷靜了不少。
「咁你仲有冇見過其他人啊？」
「冇啊，你順便話我知啦」
「嗱，我鄰居隻短尾袋鼠叫LoLo，佢好貪靚嘅。隔離區除左Tiger，仲有猩猩阿勁，馬騮係阿man。再黎就係孔雀米米，鱷魚叫大表哥。」陳卓賢停頓了一下，盯着江𤒹生。
「哦⋯⋯你繼續先」
「隻羊叫皮皮，成日企喺隻黑熊上面嗰隻雀仔係兒登，黑熊係阿姜，水族館養住嗰隻巨型八爪魚係阿jer」陳卓賢把同伴逐一介紹給江𤒹生。
「你講完我都好似唔係好記得，一定係你講得太快」
「你唔記得架喇，你記性咁差」還是忍不住揶揄他一句。
「唓，我慢慢同佢哋培養下感情就會記得哂⋯⋯喂你又扁咀！唔得咁架！等埋我啊～」
眾人都對江𤒹生得知此秘密表示開心，事關自己日後終於可以安心隨意切換形態，不需擔心嚇壞江𤒹生。
江𤒹生也十分高興認識一班新朋友，唯一令他疑惑的是空出來的草原區域，連待在園中最久的阿man也對這事毫無頭緒，便提議聯絡舊園主。
不得不說這舊園主很是神出鬼沒，要找到他亦非易事。除了只有辦公室的坐枱式電話能聯絡上舊園主，線路亦並非每次都可以撥通。在沒有電話號碼，單靠運氣的情況下，找到舊園主已是數月後，難得對方更表示過幾天便會出現。
果然幾天後江𤒹生回到辦公室便看到一位滿頭白髮的老人家坐在梳化上看報紙。
「哦？阿生你到喇？」這是老園長對江𤒹生的稱呼。他們之間的認識算得上是神奇，當初就在老園長快要被高速駛過的私家車撞倒，是江𤒹生一手把他拉回來的。定驚後的老園長便與他交談幾句，從此兩人結下不解之緣。
「嗯，園長你終於都番黎實在太好啦！我有好多問題想問你」
「得，你等我做多一樣野再問」
老伯揮一揮手便將江𤒹生變成人型狀態的狐狸，江𤒹生當然嚇得大叫，不理解為何自己也會化為獸態。老伯立馬解釋自己要在限期內找到最後一人，這令江𤒹生聽得一頭霧水，更是困惑。
老園長會有此舉動是他認為當初江𤒹生正是被選中的那個人，一直都知道他的真名實姓叫「魯伯」。
「吓？點都禮貌稱呼一聲啊嘛，我點知同你個名同音喎～」
「咁我問你又會答我『係啊』？」
「我以為你亂噏，你記唔記得你問我咩？」
「梗係記得！我問你係咪被選中嘅細路囉」
「邊個會覺得依個係認真嘅問題？於是我咪隨便答你『係啊』囉」
「哈哈，有時啲野真係整定架」
「咁所以你一早就知嗰十一隻⋯⋯都係人？」
或許有些事冥冥中已注定，魯伯先生長嘆一聲，告訴江𤒹生在遇見他之前已經算出要解救手上的十一人就必須確保找對第十二個人，一但出錯便會趕不上一年期限，所有人都會魂飛魄散，而江𤒹生救下他的那天正好是卜卦指示的日子，如今事實證明江𤒹生的確是第十二人，也在誤打誤撞下成功逃過大劫。
那片草原就是準備給第十二個被選中的人。
收到這消息後最快樂莫過於陳卓賢，急不及待跑到辦公室，
「我哋以後可以住喺隔離喇～狐狸精！」
「你！妖！正一小氣鬼！」回想最初自己的一句樹熊精，到頭來遭殃的是自己，不禁有丁點後悔。
「我係架喇，咁你係咪唔要啊？」陳卓賢擺出一副慵懶表情，對早已知清楚對方底細的他根本就是意料之中。
「要要要，真係麻鬼煩」
「等陣先，咁、咁我以後都要留喺度冇得出去啊？！」一想到外面世界的美好，江𤒹生便捨不得。
「哦依家大劫已過，你哋十二個都可以隨便周圍去架喇。未搵到你之前佢哋十一個的確係有形態限制逼住要喺度」魯伯摸著鬍子，笑著說道。
「其實我都好鐘意同佢哋十一個一齊既」
「太好喇實在！我可以安心閃人喇，拜拜～」
「你唔去見下其他人啊？」
「唔使啦，遲下就會再見」
送走了老園長，陳卓賢便拉著江𤒹生往辦公室外走。
「你頭先話好鐘意同我哋一齊⋯⋯」
「最鐘意係你，得未？」從剛才自己說出那句話便留意到旁邊的陳卓賢輕輕皺一下眉。
「你講真架？呃，你都係唔好答我喇」帶著閃爍的目光與掩藏不住的笑意全被江𤒹生看在眼裏，不禁連自己也覺得害羞。
正所謂「醜婦終須見家翁」，園長終須歸樹熊！
大團圓結局！好耶！拍手、撒花！
五週年快樂啊各位～