Chapter Text
今日係12怪盜團魂見面會嘅日子，真係好開心㗎，你知人齊幾咁難架啦，人齊喎，緊係開心仔，仲可以同老公公開放閃，唔怕令人自愧🤭🤭。
難得早到，化好妝set好頭，等得無聊拎個電話出嚟諗住睇下神徒留言，點知一打開個電話，發現B牌店個sales姐姐whatsapp我，話最新最廢嗰個包包終於有貨啦，手快有手慢冇，我嗱嗱臨諗住網上課金，點知發現今日用嘅小廢包太廢，連張carrrd都放唔落。
不過唔緊要，我有張姜字開頭嘅vvvip白金carrrd，即刻走去打開老公個籃球大背囊，搵個銀包搵咗我幾分鐘，你話大背囊幾咁廢吖，不過講開又講，個背囊係我配貨嗰時買嚟益佢，I’m just so sweet。終於喺個暗格搵到老公個銀包，金牛座真係守財奴，銀包都要放暗格，不過老公對我一啲都唔孤寒，上次喺Paris唔小心一買就買咗5喼，仲上埋新聞，俾花姐佢哋周不時都攞嚟串吓我，陰公。
上一刻係咁咦諗下都俾自家老公冧到雀仔軟，點知下一刻俾我發現條友銀包有古怪，好好地一個銀包點解會有暗格！（係你連個銀包都廢，無暗格啫）出於對老公嘅關心，當然要了解下咁神秘嘅暗格到底放啲咩啦！
一打開，晴天霹靂呀！我發現男朋友銀包個暗格竟然放咗個domdom！佢一個禮拜屌我7日，每日屌我5次，有邊次係有用套架！好人好者，無啦啦做咩帶domdom出街？實在太可疑囉！！
於是我拎住個杜XX domdom，走去搵我個「樹窿」閨蜜訴苦。
撈：Jeremy！嗚嗚嗚⋯你睇下⋯⋯
米：咦，咩嚟㗎？
撈：你睇清楚啲！
米：嘩！新代言呀？你而家走呢條路線咩？安全大使呀？
撈：唔係呀！我喺BB銀包搵到㗎！仲係喺暗—格—呀！
米：Er⋯⋯佢咁體貼為你做足準備，保護大家，唔係值得開心咩？
撈：佢從來都冇用過㗎！佢話直接入最爽！連我買定嗰啲放哂喺屋企都冇用過㗎！而且，都唔係呢個牌子！
米：（os 喂呀～我唔想知囉）可能佢為你改變，負返責任呢。
撈：我哋都無孕要避，負咩⋯⋯哦，連你都覺得佢⋯⋯嗚嗚嗚⋯⋯
米：⋯⋯
呢個時候，周圍嘅兄弟們突然全部個個都變咗Matrix咁，以超慢手速扮做嘢，但其實個個都豎起晒對耳仔聽八卦。終於，有一個三姑六婆忍唔住搭嘴。
柳：（嬉皮笑臉）嘻嘻，姜濤今次大檸樂喇～
安：有幾大檸樂啫，用橙色盒子KO 佢就得啦！
霆霆喊到扯晒蝦，連資深調解員米米都無晒計，搭嘴嘅柳柳同安安又完全食花生mode唔係幫手嘅，米米唯有望住大表波求救，接收到訊號嘅大表波秒懂！
波：成年男人有返一兩個domdom傍身好正常啫。
撈：我無喎，Jeremy你有無？
米：呃⋯無⋯⋯
柳：（興奮搶答）我都無喎～
撈：（喊住望大表波）你睇，佢哋夠成年啦，都冇呀！佢哋唔正常呀？
安：喂，唔係喎，我有喎！
撈：（望住安，下一秒哭得更慘）嗚⋯⋯
波：呂爵安你唔出聲當幫忙啦！
安：我幫手咋喎，多個人有唔係有返啲說服力咩？
兄弟：你有先最冇說服力！
呢個時候，男主角慢條斯理咁行入嚟，都仲未知道而家上演緊《家變》。