Chapter Text
爵安篇 上
為何會如此尷尬? 我把妹妹的朋友當成了她的男朋友
妹控的我一見到他們在房間嬉笑 我便抓起那男生推他落地
現在腳腫了的男生和妹妹都用哀怨的眼神盯著我
「哥哥 你有無搞錯呀? 問都唔問就打人 佑佑係我嘅best friend嚟 而家隻腳咁佢點返學點跳舞呀?」
「小如 返學都後話啦 我而家好痛 點返屋企?...」阿佑淚眼盈盈的望向妹妹 我差點又想插他眼睛 不要再誘惑我妹妹
「哥哥 你帶佑佑去睇跌打 我仲有嘢做 跟唔到你哋去 你一定要送埋佢返屋企呀!」妹妹的強勢使我不得不照做
「佑佑」這個名字是妹妹這一個月才聽到的名字 之前她最好的朋友不是「婷婷」嗎? 每天都「婷婷」陪她吃午餐「婷婷」有男仔追 「婷婷」跳舞好好睇 突然有一日「婷婷」就消失了 取而代之是這個「佑佑」
問過妹妹與「婷婷」發生什麼事? 她說「婷婷？無嘢呀 你唔好問咁多啦」
一句收我皮 見她心情依然不錯 便沒有深究她與朋友的關係
事不而遲 我把佑佑的雙手圍著我的頸項 我扶著他的腰 他每一步都小跳著
原本他與我隔開起碼一個身位 但這樣我們兩個都很累 所以我把他拉近我身邊 他倒入我懷內抬頭的一刻 才發現他......的鼻子很大一個
幸好我們居住的社區存在舊式跌打館 小時侯打籃球串魚蛋 拗柴都會來 師父幾乎隔幾個月就見到我
「阿仔 朋友叫咩名呀? 嚟 朋友仔坐低先 」
「欸…佑佑」
「全名呢?」
「我叫盧瀚霆」
「盧瀚霆? 無佑字喎? 阿仔你真係......」
師父輕笑一下便檢查阿佑的傷勢 「啊 痛」
「唔受得力喎 忍一忍 好快好呀 一陣幫你敷藥」看著佑佑的眼角快要滴出淚 咬著那豐厚的咀唇 我的心突然有痛的感覺
一系列的程序後我跟之前的姿勢扶著佑佑回他家
「對唔住 係我衰衝動 我以為你係佢男朋友」
「其實呢 小如總有一日有男朋友 你每次都會咁樣對佢另一半?」
「我唔知」我真的有想過這個場景 只是剛才他們距離太近 腦袋動手的指示太快
「你無拍過拖咩? 小如係咩反應?」
「我...無...」其實我只比小如年長2歲 中學是讀男校 所以不太懂得接觸時下的女孩 我印象的女孩都是溫柔的 現在的女孩滿口髒話 用詞比我粗 還很機心 我只希望找到一個像我家妹豬一樣純真的另一半
「哦」我們上車後都沒有對話 直到收到妹妹的訊息 問送佑佑回家沒有 才醒起他的名字叫盧瀚霆
「點解你叫佑佑嘅?」
「哦 我哋學會有2個Anson 又有2個阿霆 阿sir成日叫我哋都唔知佢叫邊個 叫中文又撞 叫英文又撞 今次我同另一個Anson領舞 一左一右
所以佢就分我哋叫阿左 阿右 跟住啲同學跟住叫 咁囉 不過應該好快又轉 因為要排下一隻舞啦」
所以他就是妹妹口中的「婷婷」?誤會大了 我一直以為她是女孩
我對婷婷頗有好感的 聽妹妹日常分享她們的點滴 知道她是一個孝順 乖巧的人 她們拍的大頭照 通常都落足濾鏡 兩人都唇紅齒白 可可愛愛的 見到他真人其實沒太大分別 但就是一個切切實實的男生
順利的把他送回家 交到他家人手上
「你俾個contact我丫 我聽日再帶你睇跌打」
他乖巧的拿過我的電話輸入 我拿回來看上面一大個「霆」字 「霆霆」很有親切感
TBC