Chapter Text
呂總這一年的聖誕因盧瀚霆生病了而下令他留在家中休息，獨自去了美國處理公務，但一來一回便完美地錯過了聖誕節。但他知道盧瀚霆喜歡熱鬧，所以他答應了盧瀚霆，除夕夜那個晚上，讓他邀請朋友在家中舉行倒數派對。
「米米…你可唔可以幫我一個忙？」一大清早盧瀚霆在電話中用惹人憐愛的聲線向李駿傑求助。
「我琴晚先喺法國夜機返到嚟，有少少Jet lag緊…比我訓多陣啦！」李駿傑在被窩中接聽了電話。
「呀….唔好啦…得你幫到我㗎咋，你讀呢科㗎嘛！」盧瀚霆再次哀求。
「我夜啲都過嚟啦開Party啦…比我訓多一陣！」李駿傑真的很累，回來的時候已經睡了一整個機程，加上還未適應時差，他剛剛才睡了3個小時。
「唔得呀！一陣呂總返嚟就無時間啦！米米呀…我一路都支持你去見識，又出埋錢比你喺嗰邊讀書..再搵到份自由自在嘅工，你幫返我都唔得咩…嚟啦」盧瀚霆的語氣開始緊張起來。
「唉，我真係唔應該比你同佢結婚，學晒佢傾生意啲口吻，而家識得要脅人啦…係啦係啦！欠咗你兩夫夫啦，我而家換衫過嚟！」李駿傑終於在床上坐了起來。
李駿傑知道他自從Stanley離開後，由谷底重新震作，再到他前往法國修讀時裝，直到現在他協助盧瀚霆打理呂總創立給他消磨時間的知名服裝品牌生意，其實工作內容只是每日簽署幾份文件，陪伴或替代盧瀚霆到外國和其它品牌洽談聯成，而閒時就和盧瀚霆到處行逛消遣，而且所有消費也由呂總包辦。所以他們是功不可沒，他是個懂感恩圖報的人，所以只要他們兩人有什麼要求，只要李駿傑也盡量滿足。
「嗚…米米，你終於都嚟啦，我攪唔掂呀！呢度比我剪開咗之後，點都聯唔埋…」盧瀚霆拿著一團花紋似是和服的東西向剛由司機送到李駿傑走過來。
「米少爺你好！咖啡已經幫你預備好！麻煩你幫幫霆少，呢套嘢我哋攪唔掂，我哋都唔敢比霆少掂呢啲針同燙斗啦，佢再篤到同辣到自己，我怕我臨老無埋份工…」老管家John哥恭敬地將咖啡和針盒放到李駿傑旁邊的茶几上。
「唔該John哥！啊…中學家政學會副會長呀？你以前識針黹幫嗰個人聯衫㗎喎？同埋，點解要係呢度開個窿呢？」李駿傑接過那一團布匹後，將它順回一件正常的衣服，卻發現在近臀部的位置，剪開了一個參差不齊小圓。
「er…咩呀….我耐無整唔記得咋嘛，係..我有個朋友呀…Anson叫我幫佢整㗎，客人永遠是對的嘛…為保我哋品牌嘅聲譽，你快啲幫我整啦！」盧瀚霆現在才記起李駿傑對自己和呂總的性愛取向，只好放別人上枱。
「奇奇怪怪咁..Anson…都唔知係咪你自己，嗱！呢度摺埋，之後咁…咁得囉」說時遲那時快，李駿傑三兩下手勢便已將洞口的邊縫好，再用燙斗壓至完美的修邊。
「我結婚嗰日你咪見過佢囉！John哥…可唔可以幫我擺去地庫個櫃呀？」盧瀚霆背對著李駿傑，向管家單了個眼。
「吓…我入去？唔係咁好嘅」John哥在推搪。
「唔洗入S房，你入衣帽間就得啦！」盧瀚霆很回應得很快。
「S房？」李駿傑覺得房間有特別的代號很特別。
「S..S…S for Store呀，平時我同呂生啲（大）戰利（用嘅物）品都放嗰度！有時入面好混亂，所以John哥好怕行入去！嘻嘻…」要被全世界認識的盧瀚霆，跟著呂總出席不同大小應酬社交場合，不多不少也學懂臨場應變技巧，跟以往社恐而瑟縮一角的小白兔已截然不同，不竟現在是呂總寵溺的小狐狸。
「唉…成個地庫拎嚟擺嘢，唔怪得屋企花園棵真聖誕樹上面，全部都係有牌子嘅掛飾同公仔啦！呂總真係寵壞晒！以前嘅死慳死抵嘅呀Lo唔見咗啦！Lo呀Lo你邊呀？」李駿傑很喜歡像以往一樣和盧瀚霆打鬧。
「咩呀…靜啲啦，痴線！我仍然會係你最好嘅朋友..」盧瀚霆擁著李駿傑，他很珍惜呂爵安為他們重拾的友誼。
「你係先好講..」李駿傑用力的抱回盧瀚霆，說到底他也為盧瀚霆的轉變感到高興。
「咳…」一把厚實咳嗽的從門口那邊傳來。
「老公！？咁早返嚟嘅？」盧瀚霆聽到那慣常用咳嗽擦存在感的聲線，沒有理會李駿傑的存在，便馬上跑到門口，跳上他家總裁的身上，阻擋了呂爵安的視線。
縱使結了婚差不多半年，呂爵安對於這個稱呼還是很受落，馬上笑得露出了牙肉，一手抱住飛撲上來的盧瀚霆，在額上輕吻了兩下，揑著盧瀚霆的鼻子説：「早啲返嚟睇吓你有無搞搞震呀嘛！」
「無呀！我叫咗米米早啲過嚟陪我佈置咋嘛！你又要呷醋？」盧瀚放開了鉗住的雙腳，站回地上，望向了李駿傑。
「呂總！你好！」李駿傑站起來，一面尷尬的向呂爵安打招呼。
「原來係米米！你好，咁麻煩你再陪多霆霆一陣，幫手佢佈置一下，我仲有個會要開！」呂爵安向李駿傑發出請求。
「霆霆，Anson會同Edan一陣會拎埋啲嘢食再過嚟，仲有，Ian都會收工就過嚟，到時佢哋到晒你就上嚟再話我知啦，知唔知道？」說罷，呂爵安加強了手勁，把盧瀚霆擁緊，在他耳邊用氣聲說：「係咪太耐無罰你，就咩都唔記得晒？再比我見到..你今晚就唔洗訓！哼？」呂爵安稍微用點力在盧瀚霆的臀瓣上拍打
「喂也，知道啦！」盧瀚霆對於怕被李駿傑看到被打屁股的動作，有點害羞，所以顯得有點脾氣。
其實呂爵安並沒有好像以往般不喜歡盧瀚霆被接觸，只是他故意想作弄盧瀚霆，讓自己可以看到最喜愛炸毛小貓的樣子。
「辛苦你哋啦！我上去開個會先！」呂爵安在盧瀚霆唇上落下一吻，便到離開。
盧瀚霆和李駿傑一邊佈置一邊嘻鬧，盧瀚霆用將波波掛飾塞進李駿傑的衣服，李駿傑則用閃亮的彩帶繞著盧瀚霆，令佢動彈不得，兩人就有如回到讀書時期為課室報置一樣。
門鈴響起，管家打開大門，三人站在門外。兩人牽著手提著保溫箱，一人則雙手插著衣袋走進。
「Ian，Edan，Anson！!」盧瀚霆看見站在後排的Anson就好像好久不見的朋友的往前衝，卻忘記自己的身被繞着沒有如此靈活，差點失了重心，幸好被Ian扶著。
「嘩，霆少，你準備比呂總拆禮物呀？」Edan笑著向盧瀚霆說，看見了盧瀚霆在若有所思。然後向Anson說「老公豬，你比我拎啦，你幫下霆少啦…」
「好…你都慣一個人拎八人份㗎啦！呀…霆少，你係咪真係想我哋今日開唔成Party啫..一陣佢帶你去….」Anson一邊替盧瀚霆解開一邊在說，卻看見盧瀚霆的大眼在轉動往李駿傑的方向。「去睇Ian醫生呀！」他望向Ian傻笑，總算繞過了話題。
「哈..我無修精神科，我淨係有讀心理！」Ian嘴角上掦一笑，往上抬起頭兩下，示意他們呂總已在書房中走出來，慢慢從樓梯中走下來。
「Hello…做咩突然靜晒，企晒係度？我屋企開晒暖氣，你哋放低啲衫啦..」呂總為免他的霆霆在任何時候有冷病的機會，早已在家中開啟暖氣。卻因為錯過了自家寵兒的笨拙，看見各人還穿著大褸和外套。
「係啦！大家比啲褸工人佢地放落樓下衣帽間啦…」李駿傑向眾人說，希望打破冷場，卻看見各人在互望。
「擺呢間客用衣帽間就得啦，唔洗拎上拎落咁麻煩啦！」身為此大宅的設計師，比起在場的每一位對於房的分佈更為熟悉，他打開了大門邊暗門，把衣服遞給了傭人掛起，並向盧瀚霆笑出了同樣的腰果眼。
盧瀚霆微微轉頭，看到呂爵安一面嚴肅，他知道呂爵安不喜歡讓別人知道自身的底藴，所以立刻變成小白兔的慢慢走少向：「老…公…開Party唔好咁嘅樣啦..最多今晚…」
「你只會睇到2025嘅第一個日落！」呂總口吻和面容隨即下班，回到了一個放鬆的容貌，也是盧瀚霆最喜歡的樣子。
「好呀..你記陪我睇喎..」盧瀚霆抬頭瞇起了眼，露出了一個用意不明的笑容，然後到飯廳幫Anson取出今晚的食物。
「wo…成個人唔同晒，我睇人都真係幾準，我講嘅嘢無錯啦！果然係得佢先可以攪得掂你！認同嗎？呂總！」Ian回想起起初體外滿佈傷痕的盧瀚霆和內心充滿傷疤的呂爵安，教導兩人如何為對方建立信心，直至現在確立對方為永久的伴侶，也忍不住揶揄一下呂爵安。
「嗯…仲越嚟越大膽」呂總回應。
「Anson咪又係一樣…上次係地盤試避震都唔識驚呀！唉…呂總呀，睇嚟我又要搵你過返兩招比我！」Edan拿著兩杯香檳過來參與男人的對話。
「我唔參與呢啲話題㗎！」Ian舉起雙手表示不參與。
「老公！」「老公！」霆霆和Anson一齊向男人堆叫喊。
「叫你呀！」呂總對Edan說。
「唔係有人話「我都好想聽到霆霆咁叫我」嘅咩？我同我豬豬幫你實現咗啦！叫你呀！」Edan輕聲跟呂總笑說，Ian也聽到後，三人一起大起來。
「仲笑咩呀？快啲過嚟食嘢啦！」
「係啦！嚟啦！」呂總和Edan的聲線有點不耐煩，但也笑得很寵。
邊吃著呂總安排的酒店到會和沖田酒窖的威士忌，大家都不亦樂乎，不經不覺已來到11時59分，花園傳來一陣‘嗡嗡’響聲。
「麻煩大家出花園。」John哥打開通往花園的落地玻璃門。
眾人走到花園，花園的燈光轉暗，他們站在有甜點的餐桌前，看著漆黑的夜天空中一閃一閃的光點慢慢組成了10…9..8
「7..6..5…4..3..2..1」每人跟著無人機演變的數字倒數。
「Happy New Year！」然後全部人都一同歡呼。
「我哋飲杯！」喝了不少的霆霆突然舉杯，然後將半杯的威士忌一喝而盡，嚇得呂總想馬上上前制止。
「你小心呀！」呂總發現霆霆的腳步開始不穩。
「嘻嘻..老公，我又再餵你食蛋糕呀」霆霆將在花園餐枱上的蛋糕拿給呂總，卻不小心絆到枱腳，令所有人都目定口呆望著滿身忌廉並接著霆霆的呂總。
「對唔住..對唔..住」霆霆伏在呂總的肩膊上道歉，聲線漸少。
「唔好意思呀咁多位，多謝你哋今日嚟玩…霆霆今日應該真係好開心，所以今次又飲醉咗…」霆霆在呂總的懷内動也不動，呂總就知道自家小寶貝已不勝酒力。
「喂～你又無我批準又飲咁多酒啦！你好定定哋啦….」在呂總和其他人在解䆁時，霆霆用充忌廉的手竄入呂總的衣內撫摸內裏的腹肌，令他不得不使用出強硬的聲調。
「我哋再約呀！送你哋出去先..」呂總一手公主抱起霆霆，送他們回到大廳。
「你估呂總會唔會罰霆少呀嗱？但老公豬…你有無諗起啲嘢？」在途中Edan靜悄悄地問Anson。
「霆少醉到咁…呀！你仲好提！個蛋糕我食都未食過！」Anson特然想起了往事。
「但真係好順滑」Edan揚起了壞笑，Anson忍不住拍打他的手臂。
「好啦！咁多位再見啦！新年快樂！」各人取回自己的外套後，呂總就在大門向眾人道別。
當所有人離開後呂總便將霆霆抱回三樓的房間，濕了一塊毛巾替他抺去所有的忌廉，再將換另一塊毛巾將全身清抺一次，更換了衣服，便讓他在床上休息。
然後便自行到浴室洗澡，在浴室門關上的一刻，一對大眼在床上睜開….