Work Text:
我班仔壞咗。
係，真係壞咗。
唔止啊，係癲撚咗呀，我屌。
雖然我都係人哋阿媽，但係我想講我親生仔都冇咁難教。應該話，冇咁唔聽話，至少我鬧完佢會聽。
我知一個二個都大仔嚟，最細都二十歲多，係難教啲，或者唔想俾我管。但我又唔係好嚴咁管，我覺得我已經好寬鬆啦，仲想點啫！拍拖低調呀仆街，好難咩！
我都唔想咁樣鬧囉但真係好難頂呀！日日車你哋返工放工已經攰，但仲要喺架車度閃嚟閃去，都唔知做乜Q嘢，見到都眼冤！
講到車最離譜真係你個呂爵安同盧瀚霆。你xx吖，揸揸下車睇後視鏡兩條友錫嚟錫去，咁都算撚數。仆你個街錫完仲伸手入衫領，乜料？盧瀚霆係咪想我以後禁止佢著deep V？話咩風格，定係方便Edan條死仔？
兩條友仲要越嚟越誇張，大佬叫你哋少啲comment啫，唔係去人哋啲comment度玩，更加唔係喺訪問鏡頭前玩啊！係唔係想解約啫？乜撚嘢事！仲有吖，Samsung event叫曬準備唔見人，拍爛度門咁滯先叫等一陣，好意思搞到全世界差啲遲咗開演。明嘅，大家都成年又喺酒店，但睇時間得唔得啊，屌！
如果淨係兩條友過火都算。Wtf其他人都係咁？有日有急事想搵人，點知dllm一入化妝室，大表哥你當裡面係邊度？同Jeremy玩咩壁咚？如果唔撚係我9衝咗入嚟你係咪已經錫咗落去？
Excuse me 呢啲唔係可以喺屋企做㗎咩？點解係都要返嚟玩，係咪特別刺激？有一次仲已經壓埋上梳化，如果唔係我閂門提你哋你估會點？瀨唔瀨嘢？Jeremy好心你多少少反抗，唔好條友講乜你都順佢啦妖。
好，我以為最癲都係咁。點知唔撚係！咩事，柳應廷你唔係好乖㗎咩？點解嗰日我會見到你同姜濤喺後台唔知做乜？攬頭攬頸攬埋腰，然後仲錫埋錫到好肉緊？有冇咁緊火，係咪痴撚咗線唔記得自己準備表演？好啦我覺得我做經理人做到好委屈，嗰下仲要行埋去拍佢哋提醒就開始⋯⋯好彩我唔係男人，如果唔係就俾人燒春袋。
未完啊呢兩個嘢。做呢啲都夠頂唔順，平時一齊做嘢嗌團餐，姜爺又話要減肥，但一邊講一邊嗲柳爺。柳爺話唔緊要幫你食啲，兩條友就拎住啲餐二人世界，你一啖我一啖。喂，屌，我都係嗰句，我真係唔介意你哋喺屋企係點，但可唔可以唔好喺我見到嘅情況下咁樣？Cls咁眼冤，好想掟你兩個出街，講真㗎。
我以為。係呀，我繼續好撚天真咁以為啊，我以為淨係細仔係咁。點知？哈哈，我諗嘢太簡單，原來情侶痴撚線嘅level係我想像唔到。江生，阿副隊長，可唔可以收斂少少？佢哋仆街咪算囉，你副隊長嚟㗎，連你都痴lan線埋一份？
可唔可以解釋下點解你要喺我面前同陳卓賢眉目傳情？我想講嗰個係訪問嚟，得唔得唔好咁？咁都算，我坐隔離仲見到枱下面玩玩下拖咗手？得唔得唔好搏鏡頭影唔到就咁，我要表情管理都好撚辛啊大哥，聽話少少得唔得？又唔係唔俾拖，但拖少一陣係咪真係會死啫？
班仔壞咗，點？可以點，咪期望下仲有人係正常囉，點知？最慘係你以為正常嗰啲都係Cls。
我真心估唔到Frankie同Tiger都壞埋一份。我知道亦都接受佢哋一齊，但可唔可以唔好跟住成班人一齊癲？嗰日好似2月14⋯⋯
⋯⋯係我衰嘅我唔應該打電話搞住人，但係緊急工作啊大佬，唔打唔得，唔可以咁唔專業。我明明係打俾Frankie，然後⋯⋯然後Tiger聽電話？咁都算，結果係同我講花姐我陣間再打俾你就cut線？結果係我好On9咁等咗成晚，等到第二朝中午Frankie先打返過嚟話唔好意思琴晚唔記得咗！仲要聽到旁邊Tiger問痛唔痛要唔要幫你按摩下？記得啲乜吖，記得情人節要好刺激咁過？定記得要cut經理人線？我覺得我好慘囉，做咗幾多心理建設先打過去然後俾人咁cut法，宜家真係戀愛大過天？
發現咗佢兩個都痴L曬線之後，我絕望㗎啦，但仲係對Alton同Lokman有少少期望，覺得佢哋拍拖還拍拖，唔會跟班細仔學壞。好啦，屌，我覺得我真係蠢，諗得太少！
兩條友明知第二日要表演，做乜？點解Alton會跳跳下舞話腰痛？啫係我想講有冇咁忍唔住，到底係一個忍唔住被迫定兩個都忍唔住？大佬你兩個又係相較之下比較大㗎啦，可唔可以節制啲，至少唔好俾人知啦⋯⋯宜家啲細嘅向你哋睇齊啦，真係學到足，點？
我真係以為大仔唔怕㗎，定人越大越覺得呢啲冇所謂？係唔係要明文規定event前唔俾咩咩咩先開心吖？直接質問我又唔好意思，大家都成年人講呢啲嘢真係好撚尷，拜托，唔好要我難做啦好唔好。
Ok我唔講呢啲。想問上次玩玩下成班友話情侶組隊挑機輸咗個兩個要打茄輪係乜撚嘢事？你哋平時都咁玩開？我覺得成件事好那恐怖，男人打機嘅浪漫我搞不懂，但打機挑輸咗要打茄輪我係更加搞不懂。做咩，平時冇機會錫？駛唔駛咁？結果係我見到一班人打機鬥輸，我屌，由細到大都未見過咁樣玩法，毁三觀。
仲有，12個人圍爐食飯叫我做乜9？我知係好心想請我，但我去到真係唔覺得係為我好。雖然我唔細有屋企人唔單身，但你覺得唔礙眼咩屌，仲要對對放閃都唔同款唔同程度，去到冇人理我㗎，真係撞鬼你下次請都唔撚去。
仲有次啊屌。玩咩真心話大冒險個個醉曬，江𤒹生喺度問全世界如果花姐同男朋友跌落水你救邊個。仆你個街問都算，結果點？冇人救我囉屌，係一個都冇。我理得你係咪酒後失言定酒後吐真言，我宜家好撚hurt，經理人啫，冇所謂㗎。
係啊宜家12丁友仔真係好團結。但團結拍拖係好事咩？團結放閃？唔好意思我真係唔明啊。
好撚攰，點解簽個約會搞成咁。有冇人同我講我做錯咗啲咩？我日日車你哋返工放工接job，笨豬跳都跳埋，最後一個二個咁對我嘅。好呀你哋鍾意囉，屌。
我從來未試咁過想解約，救命，好想炒撚曬你哋班仆街。但係又冇理由，唔通點？解約理由寫我班仔壞撚咗？定班仔拍拖拍到傻Q咗要炒？我可以點，我可以點？
屌，唔撚玩。我班仔Error咗。
「⋯⋯」
房間裡凝聚著一股奇異的氣氛。
十二個腦袋擠在電腦前，誰都沒開口。這真的很詭異，因為以往他們在一起時都吵得要死，而不是像現在一樣，安靜得讓人不自在。
最後，還是身為隊長的楊樂文先試探性地開口了。
「⋯⋯喂，我讀完，你哋冇嘢想講㗎？」
「⋯⋯可以講咩？」
陳卓賢悶聲悶氣地回應，還不忘發揮他愛冷靜地突破盲腸的特性再補上一句。
「你哋咁樣睇花姐部電腦，唔怕瀨嘢？」
「佢又唔喺度，無事掛⋯⋯」
邱士縉雖說得鎮定，但還是心虛的看了看四周。
「⋯⋯又唔係我哋主動專登睇，係咁啱佢唔記得熄返⋯⋯乜原來佢會喺電腦備忘錄發洩㗎？」
呂爵安放棄了跟其餘十個人擠在一起，不要臉地跟盧瀚霆一起坐了在沙發上，手則是早就扣了在一起，繼續替看人家備忘錄的隊友們「辯解」。
「話說呢⋯⋯乜你哋咁仆街㗎？」
江𤒹生開了地圖炮之後，馬上遭到圍剿。
「喂，你哋好好咩宜家？」
率先反彈的是邱士縉，一旁的李駿傑則是依然處在不知道該作如何評論的狀態裡。
「係囉你哋好好？訪問拖手仲俾花姐見到好柒呀。」
柳應廷抱著態度完全「與我無關」的態度指責，仿佛剛才完全沒提到他一樣。然而，現在的他正靠在姜濤身上，一副高高掛起的模樣讓人想揍他。
「⋯⋯你哋食外賣搞到痴嚟痴去喎家下。」
陳卓賢當然不會讓江𤒹生孤軍作戰。
「係囉，係咪想MMA啊？」
得到支持的江𤒹生馬上就有了底氣。
「⋯⋯個個都有份就唔好嘈啦。」
一直沉默的邱傲然冷冷地指責全隊。
「你同皮皮咁仆街cut花姐線嘅？」
明明人家開口是想澆熄火苗，呂爵安卻又火上加油，要把隊友也拖下水。
「⋯⋯唔關你事，最過分嗰兩個唔該收聲。」
邱傲然剛反駁完，就有人支持他了。
「花姐車你哋都咁倡狂，唉。」
跟其他人比起來，王智德的語氣很平淡，甚至還帶有笑意。但是，這只會讓人更惱火。
「你同Lokman咪又係咁？」
「仲要表演前一晚激戰，抵你整親。」
盧瀚霆和呂爵安一唱一和，在旁的姜濤、柳應廷和邱士縉聽見後忍不住竊笑——確實，楊樂文和王智德在花姐筆下的行為也是他們沒想到的。畢竟在他們眼裡，這對還算低調。
「笑咩啊屌，你哋一個二個五十步笑百步！」
楊樂文終於也被觸怒了。
「隊長，估你唔到喎～」
偏偏邱士縉還要火上澆油。
「你兩個返化妝室扑嘢啦，講乜啫。」
陳卓賢不忘涼涼地再mean一下。
「⋯⋯明明個個都差唔多⋯⋯」
李駿傑本不想說話，但一直被點出來實在讓人忍不住要反駁。
「咩呀，我哋有撚你哋咁過份，唔好相提並論！」
江𤒹生就是要跟陳卓賢情侶檔，參與這場屬於情侶的戰爭。
「我都係覺得隊長最amaze～」
盧瀚霆再次挑戰隊長威嚴，那欠揍的口吻讓楊樂文氣得要瘋。
「屌，係咪想MMA？」
-
眼看這裡就要成為大型MMA現場的時候，從頭到尾都沒參與戰場的陳瑞輝終於小聲打斷了他們。
「厄，其實呢⋯⋯」
「咩啊，你兩個好過分啊，唔准講！」
「唔係，我嘅意思係——」
「得啦，收聲啦，唔駛解釋。」
「⋯⋯不如你哋望下呢邊⋯⋯」
陳瑞輝接連被隊友MMA後放棄了陳述，直接讓他們看過來。
「乜啊⋯⋯嘩de——」
「⋯⋯花姐你做咩喺度嘅？」
看見花姐那副黑得像被雷轟過的面，眾人臉都青了，連最冷靜的邱傲然和陳卓賢都掩不住被嚇得半死的反應。楊樂文身為隊長，只能硬著頭皮「問好」。
「解釋下你哋點解喺度？」
「厄，花姐，係咁啱啫，你聽我哋解釋⋯⋯」
呂爵安反應倒也快，瞬間就收起了恐慌臉露出營業性笑容。
但是，某經理人當然不買帳。
「你哋班仆街真係想解約喎，得，聽日解。」
「唔係啊花姐，你聽我哋解釋——」
「唔聽啊！壞撚曬啊你哋，垃圾情侶！」
原來，Mirror可以比Error更Error。
而最Error個位，係經理人都Error埋。
好聽啲，叫個個都有拖拍，好滋潤。
但唔修飾嘅話，只係垃圾情侶大亂鬥。
啊，仲有，學花姐話齋，係班仔壞咗。
壞撚咗。
END.